Tuu phaw sin tu cinghnia vekih “Tih a nung zet tu”

          Veikhat veihnih ah mihrokhrawl pawl hnakin mitha lo pawl tih an nung sawn.

          Mi sualral pawl aiin ti aw ter mi pawl in nunram le nunnak kha an lak ngah theu.

          Hmel sia mi mawi lo pawl aiin minta lukhuh a khuh tu mikei pawl cu mi an hrem thiam sawn.

          Awka hrang zetih a tongtu pawl aiin a sunglam a sia ih a lenglam a thum tu pawl in a cem tiang an hrokhrawl theu.

          Thinheng thiam ih ding tei a feh tu pawl aiin thintha vekih awkam thlumzet a hmangtu pawl cu “Utawng lem a cangtu Tlangak” bang an thei theu.

          A tha lo ttong rero tu aiin awkam thiamih mi a porh thiam ringring tu cu a mai zal sungih thil an lak sak theh thei.

          Ttongkam mal tu aiin veikhat veihnih ah duh co dingih tongkam kha nal duahdo ih a ttong thiam tu cu mi an bum thei theu.

          Um men ih a hni mal tu aiin mithmai pan rero ih thintha aw ter vekih a um tu cu rinumnak kha an pal hlo thei theu.

          Tongkam kha rikhiah neilo ih a tong ol tu aiin mifim zet vekin tongkam kha kil ih a thinlung ngaingai hmu thei lo dingih a thup tu cu tih a nung.

          Thintawi ol ih thinlung sungih a hmin sin lo tu aiin lungkim lo nak pawl a thup ih a hnih san tu cu caan khatkhat ah nunram le nungnak kha siatko in an tuah thei theu.

          Leitlun ah tih a nung zet mi minung pawl cu thinlung ngaingai kha phorh lo in lem a cangih caanrem cang hngakih can tha ah hmangin a thang khal a zin khal a lungkim lo mi hnenin an dil sal theu.

          Ka rual… zozo khal a sile a thinheng dingih na tuah ngah a si khal le thin naa ding in cu tuah ngah pang hlah.

#crd