(806-865)

February-3

Mithianghlim Ansgar

(806-865)

          Europe thlanglam ih dungthluntu a si mi Mithianghlim Ansgar cu 801 ah France ram ih um Amiens khuapi kiang ah a rak suak. Picardy khuapi ih um Benidette Yatih tlawng ih fimthiamnak a rak zir hnu ah Waspalia khuapi ih um Newcawbi Yatih tlawng uk tu ah a rak cang.

          Kum 832 ah Hamburg khuapi ih Bishop ah tuanvo an pek hnu ah Dainmat, Norway le Sweden ram pawl ih Pathian hna tuan dingah tuanvo an rak pek. A mai Pathian thuthangtha sim nak ah a danglam zet mi thil ti thei nak le remcang nak pawl tahthim in a rak tel.

          Ruahnak tha lo mi Sweden ram Siangpahrang in Christian Pathian hnatuan pawl cu a ram ih luh a on le on lo thu mee thla in an rak bot cat. Mithianghlim Ansgar in a hram zet mi rang mei, angki hruk nak, tidai le pawnghmuk ei nak le mifarah pawl parih a tum zet mi duhdawtnak lang ter nak pawl a rak tuah.

          Kum 865 ah a thih caan ah Europe thanglam hmuahhmuah in a mai hrangah hrangah a rak tap. Sweden ram ah Pathian hna rak tuan tu a hmaisabik Pathian hnatuantu si nak le Norway, Dainmat ram pawl ih um Biaknak lam pawlkom pawl din tu a si. Curuangah Mithianghlim Ansgar in Sweden, Norway le Dainmat ram pawl kilkhawitu ah an rak nemhnget.