Thlalang khuat si pang hlah aw.

          Voikhat laiah thuruat thiam zet ih hmuhtonnak tam zet a neitu mifim pakhat a um.

          Nikhat cu a inn a kangih a neih mi thil hmuahhmuah a sungih beidong riahsia zet ih a tap rero tu nauhak pate hnen a ra thleng.

          Mifim thuruat thiam pa in cui nauhak pate cu tidai khuatkhat a lak ter ih cite tla kut humkhat in a lak ter cih. Tidai khuat sungah Ci kuthum khat cu a thlak ih a cawk hnuah nauhak pate a inn ter.

          Cule ziang tin a um a thaw maw tin a sut tikah nauhak pa cun khaa theh ding tiang a al tin a let.

          Cui hnuah mifim pa in a hni ih ci a hrek kha a lak ter ih a mah thawn feh dingin khuapawn ah a hruai.

          Khuapawn lam ih an feh phah ah a kau zet ih a thiangfai zet mi Tikhur kiang an thleng.

          Tun ahcun mifim pa in nauhak pai kut sung ih a ken mi cite kuthum khat cu Tikhur sungah a thlak ter.

          Cule mino pa kha tu cu tili sungih dai kha inn hnik tin a fial tikah mino pa khal in tili sungih dai kha a kut in a lak ih a inn.

          Mifim pa cun mino pa dai a in theh in tu teh tili sungih Tidai kha ziangtin a um tin a sut.  Cutikah mino pa in a latsat/ tharhlam ih a mah kel vek thotho a si tin a sawn sal.

          Tu te khuat sungih Cithlak mi vekin a al lai maw tin a sut tikah a al nawn lo tin mino pa in a let.

          Culawngah mifim pa in mino pa ih kut kha a kaih sak ih a liang kha dimten a beng sak.

          Kan nunram ih tuahhmawh awk nak, nat nak, sun nak pawl timi hi ziang thawn a bang aw ti le cu ci thawn a bang aw asi.

          Nunram ah ton mi nat nak pawl tuar mi tawkfang cu nang in ziang vek khuat thawn na cohlang ding ti lawng a pehpar aw.

          Khuat fate mi thawn na lak sile nat nak, sun nak pawl a tum tuk tin na ruat ding.

          Tili vek in a kau zet mi khuat tumpi thawn na lak sile cui sun nak, nat nak pawl kha zianghman rel tham lo mi sun nak, harsat nak an si nawn lo ding.

          Curuangah nunramah nat nak, sun nak pawl ton tin in khuat tumpi thawn rak cohlang thei dingin zuam aw.

          Mah kha thlalang khuat va si pang hlah aw. Tili pakhat si dingin, thleng thei ding in zuam aw.

          Cuti a sile natnak tuar mi pawl Tili sung a thleng mi cite vek in a mal ding ih a zia deuh ding tin a sim.

#Credit: