Pathian ih ttongkam zarhpi ni a veiruknak Missa raithawinakah Pope Francis tel ding.
Pope Francis cu January 26 ni ah St. Peter’ Basilica ah Pathian ih ttongkam avei 6nak ni, Zarhpi ni ah Missa raithawinakah hoha in a tuah ding a si. Pawlpi in a sunglawi mi Bible ih thupit thu kha sunloih in upat dingah Pope in 2019 September30 ni ah a rak thawh mi cu January 26, 2025 ah Pathian ih ttongkom ni ti ih ngamhnget mi ni cu a veiruknak a kim ding a si.
Tui kum ih suah mi thuluu cu Saam sungin a si ih “Na ttongkam cu ka hngakhlap a si” ti a si.
Tlawngkai nihnih niah Holy See Press Office in Pope Francis cu hi mi Missa sumnak caanserh ah a tel ding thu a rak than.
Hi mi biak khawmnak thehah Pope in Mithianghlim Luka sungih ca tlang cu Cahnah ah copy tahrat in a rak khawm tu zumtu pawl hnen a zem dingih Pathian ih ttongkam cu karhzai le thehdarh ding ti mi ti daan kha a tuah ding a si.
Hi mi caanserh sungah Pope Francis in ram phunkim ih zumtu mipa le nunau 40 hnen Lector in a pe ding a si. Abania in 4, Argentina in 3, Austria in 5, Bolivia in 1, Brazil in 4, Philippines in 5, Iceland in 1, Italy in 6, Poland in 1 le Slovinia in 5 an tel ding a si. Tidaan kel theu vekin hi mi pakhat ciar in Bible ca uk pakhat ciar an ngah ding asi.
Zumtu pawl hnen ih pek mi ca ah Pope Francis ih thusuahnak vekin 2020 kum ihsin thokin rak tuah mi Jerusalem ih Latin Patriarch Cardinal Pierbattista Pizzaballa in hi mi ih thupit zia kha lamhmuh in a rak sim.
Pathian ih ttongkam, zarhpi ni a vei 6nak pholangnak ah Khristian pawl hnen zumnak le thlarau lam nunram ah thangsonak ding hrangah a hrampi thilri dinhmun in Bible Cathianghlim siarnak le ruahnak pawl kha pehbet in tuah sin dingah caan tha in pek ih hleiah leitlun ih um mi zumtu pawl hrangah ruahsannak ih hrampi khal a si. Hi mi biak khawmnak hrangah ticket cu January 23, tlawngkai nili ni ah lak thei a si ding. Hi mi tricket cu laitek a si ih a cem lai hlan lo zemdarh a si ding tiah Vatican thuthang in a tarlang.
Hi mi thuthang cu Vatican thuthangin a tawi zawngin kan tarlang mi a si.
