Pa Pathian,
A mawi zet mi Pangpar pawl, Thingkung pawl, Vate pawl kha Pathian in ziangruangah a rak sersiam. Van paawl pi tla hi Pathian in ziangah a rak sersiam? Hi mi pawl zaten Pathian ih fale a si mi kan zate hrangah Pathian in rak sersiam sak a si . Fale pawl (nauhak pawl) Pathian ti mi cu Vancungih duhnungza a si mi Pa Pathian a si. Pa Pathian cu cu kan zaten in ngaihsak tu a si. A duh khal in duh dawt. Curuangah kan ni khal in kan Pa Pathian vekin mitin kan duh a tul a si. Kan zate in ulenau kan si. Pathian ih fale ngaingai kan sile kan zaten mi kan zaangfah thiam dingih mitha kan si a tul a si. Pakhat le pakhat kan bawmawk a tul. Mikip thawn kan remawk a tul. Kan neih mi tete kha rualpi pawl le ulenau pawl kan zem ih kan hlawm a tul a si. ( Malachi 2:10) ( CCC 238-239)
Thlacamnak – Vancungih a um mi kan Pa Pathian, na fale zate parah na tha tuk a si. Kan ni khal Bawipa nangmah vekin mitha ah in si ter hram awla na Vancung Suikhuapi ah a lut thei tu ah in si ter hram aw.
Nunpi ding mi – rualpi, nulepa, ulenau zaten zaangfah thiam in bawm thiam thei nak thawn nung tlang dingah.
Thusuhnak – Pathian cu zo a si?
A sawnnak – Pathian cu Vancung ih a um mi kan Pa Pathian a si.
Kanmah pawl cu ———————– ih fale pawl kan si.
