Pope in President Trump hnen a duhdawt mi American mipi pawl hrang thlasuah dil sak. ( January 20, 2025)
Pope Francis in America President a vei 47 nak a simi Donald J. Trump thutiamnak ah sunloihnak capi a kuat ih ka duhdawt zet mi America mipi pawl President Trump le a innsang parah a sunglawi mi thlasuah a rak pe ih remdaihnak hrang thasuah in zuam dingah Pathian in lam lo hruai hram seh ti thu thlacamnak thawn a rak kuat.
Mipi karlakah remdaihnak le rualremsalnak khaisannakih na thasuahnak le na zuamnak pawl parah Pathian in lam lo hruai dingah thla ka lo cam sak tiah Pope in ca a rak kuat.
Pope Francis in ramih thuanthu ah a vei 47 nak President dinhmun ih thutiamkamnak caanserh ah America President J. Trump hnen tlawngkai nikhat ni ih a kuat mi capi ah a thlacamsak nak pawl a rak langter.
American rampi ih a vei 47 nak President thutiamnak caanserh ah Pope Francis in cibai a bukih ziangkim ti thei kan Pathian in fimthiamnak, thazaang le na riantuannak tumpi parah humhimnak lo pe hram seh tiah a thlacamsak nak hnget zet in a tarlang.
Covo umnak rampi a sivekin zate hrangah cohlan ding mi ruahnak pawl cu nangmai uknak hnuaiah America mipi pawl an thanso theinak dingah huatawknak, thleidan awknak pawl a um lo mi, tamdeuh in a bangran mi, minung pawlkom din thei dingah na zuam ringring ding ti khal in kan ruahsan tiah Pope in a rak sim.
Pehbet in Pope in a sim mi cu minung pawlkom innsang pawl hnen ral buainak suah ter lo in hnaihnoknak tampi thawn an ton rero caan a si ih miphun khat le khat rualremnak khaisannak, thasuah in na zuamnak pawl lam lo hruai dingah khal thla ka lo cam sak tiah a rak sim.
Hi mi ruahnak pawl thawn Holy Father in nangmah le na innsang, na duhdawt mi America mipi pawl hnen ah Pathian in a thlasuah tampi lo burh hram seh tiah a cemnak ah a rak kuat. Hi thuthang cu Vatican thuthang in kan don mi a si.
