America President thar tuanvo laknak ah Bible pahnih thawn thutiam an tuahnak thu tawi.
Ameria ram ih hril thar mi President Donal Trump cu January 20 ah Bible thawn thutiamnak a rak nei ih kum 60 a kimmi Bible thutiamnak sungah Bible Cauk pahnih a rak hmang. Bible pakhat cu 1953 revised Standard Version cu, Jamaica, New York ih Sunday Church primary School (tlawng) in a mai buaih (graduation) a rak ngah nak hngilh lonak in siseh, 1955 kum ah a nui hnen in laksawng a rak ngah mi pakhat a si ruangah a si. Cu mi Bible ca a phaw ah langsar in Biakinn tuanvo neitu pawl ih an lethmat pawl le cu mi an pek nak ni pawl hngilh lonak ca pawl a tel.
A pahnihnak Bible cauk cu Abraham Lincoln ih Bible thutiam nak hrangih 1861 kum ih a rak hman mi thuanthu ih tel mi Lincon Bible ca uk a si ruangah a si. Congress ih Library ih a tel mi burgundy velvet bound- book cu Abraham Lincoln ih thutiam lai in veithum hman a rak si. President Obama le Trump a mah rori 2017 kum lai ah a rak hman mi a si.
Bible Cauk pahnih hmannak cu tuah dah lo mi cu a rak si lo. 2013 kum ah President Obama cu Martin Luther King Jr le Lincoln ih Bible uk hnih thawn thutiam a rak tuah. Hrilnak a ngah tu Vice President Jd Vance cu a mai a pi a si mi “Mamaw’’ Bonnie in 2003 kumih Marine Corps Training a thawh hlan ah King James Bible laksawng a ngah mi dinhmun in thu a rak tiam. President thutiamnak pawl ah hman theu mi ti daan kel cu mai innsang ih Bible a hmang tu George Washington in a rak thok. Harding, Eisenhower Carter le George H.W. tel in a pehzulhtu President pawl an si ih Bush cu Washington ih Bible a rak hmang.
A lamdang mi pawl cu 1825 kumah daan cauk pi ah an rak tiam mi John Quincy Adams le 1963 kum ah Kennedy tuahsiat a rak tuar hnu Air Force One parah Roman Catholic missal pakhat a rak hman mi Lyndon B. Johnson le Lincoln Bible pawl tel dingah Trump in a rak hrilnak a si. A luancia mi rampi ih thuanthu ah a mai zumnak le innsangih manhlat zia pawl kha a pehpar aw tertu hi America nunphung tuah daan ah bulpak thu le thuanthu thawn pehpar mi a thu pit zia a rak rawi aw. Hi mi thuthang cu Sw thuthang in a tawi zawng in kan ngan mi a si.
