Sersiamtu Pathian
A tumzet mi hi leilungpi cu zo in a rak tuah ih a sersiam? A tleu ih a vang, tleunak petu Ni kha zo in a rak tuah ih a sersiam? Van ih Thlapi, Arsi le a kiangih um pawl zo in a sersiam? A mawi mi Pangpar pawl tuah tu kha zo a si? Hi pawl sersiamtu cu Pathian kha a si.
Leilungpi a um hlan ah Pathian a mah lawng a rak um. Ni khat ah Pathian in “Leilungpi cangseh tiah thu a rak pek. Cule a mawi zet mi leilungpi a hung cang. Leilungpi caan nak dingah Pathian in zianghman a rak hmang lo. Zianghman a um lo dinhmun in a tuahnak cu sersiamnak tiah kawh a si. Pathian cu kan mah minung pawl zater ih sersiamtu a si. Pathian in leilungpi kha a rak sersiam. (Semtirnak 1:2:) (CCC. 290-296) sungah kan hmu thei a si. CCC ti mi cu Catechism of the Catholic Church ti nak a si. Catholic Pawlpi ih Pathian thu zirh nak cauk tinak kha a si.
Thlacamnak- Aw Bawipa, hi a mawi zet mi Leilungpi na rak sersiam ruangah na hnenah kan lungawi.
Thlun ding mi – Innkiangkap ih a um mi thingkung pawl, runnung pawl cu Pathian ih sersiam mi an si ruangah hi pawl zaten ngaisak dingah.
Thusuhnak- Van le Leilung kha zo in a rak sersiam?
A sannak- Van le leilung cu Pathian in a sersiam a si.
Pathian cu kan mah ——————– a si.
