Mithianghlim Sebastian (January-20)
Tlannak, dawpnak le leh nak pawl a lek tu pawl bawmtu le humhimtu Mithianghlim Sebastian cu France ram, Narbonne ah a rak suak ih Italy ram, Milan khuapi ah fimthiamnak a rak zir.
Mi raltha pawl bawm dingah kum 283 ah Rome Siangpahrang ih nunnak humhim tu ah a tel ve. Christian a si nak a rak thup aw nan kum 286 ah an thei ih Rome Siangpahrang Diocletian ih hmai ah puh mawh a rak tuar ih a thih hlan lo thal thawn sai dingah thuthennak a rak tuar.
Marytania miphun tamsawn in Mithianghlim Sebastian cu thal in an sai ih a thi zo tiah an ruat ih an tan ta.
Mi zaangfah lai nat nak thinlung nei tu Christian nuhmei pakhat a si mi Iruni ih zohkhen nak in damnak a ngah sal tu Mithianghlim Sebastian cu raltha zet mi Rome Siangpahrang hmai ah a feh ih Christian pawl par ih dik lo ih a hrem nak pawl ruangah mawh a va thluk.
Rome Siangpahrang in a thih hlan lo hridai thawn a vuak ter ih khur sungah an thlak.
Zumnak lam ih a hngetkhoh zet mi Lucina ti mi nunau pakhat in a ruak cu a hmu ih congret phah mi Rome Aoilam lamzin kiang ih um hlan lai thlaan ah a rak vui.
Cui hmun ah Mithianghlim Sebastian ih Biakinnpi cu tha zet in an run sak a si.
Mithianghlim Sebastian vekin kan nih khal kan Christian si nak lang ter ngam in Bawipai hrangah a nung tu si hram cio uh si.
Khui tawk hmun le ram kan thlen ih kan um khal ah siseh, hna kan tuan nak hmun le ram khal ah Christian si nak hi kan nuncan le kan tuah nak in lang ter tlang uh si.
