Kiangkap thawn pehpar mi, sumdawn nak thawn pehpar mi, Pawlkom thawn a pehpar aw mi kiangkap fimthiam nak
138. Kiangkap thanso nak cu nunnak a nei mi hmuahhmuah le an suah ih an thanlian nak kiangkap pawl ruangih pehtlaih nak, zir nak ih theih mi fimnak asi. Hi mi cu minung le pawlkom nak pawl ih nun nak an ngah thei nak ding hrangah a tul mi sidan thawn pehpar awin ruah nak ding le rel tlang nak pawl khal a tul ih thanso nak, thilri tuah nak pawl hman ding mi a hrek thawn pehpar aw ih felfai zetin thu ka lo suh nak ding aum. Thilri le thilri an pehpar awk nak thu sim rel rero khal le a cem thei lo.
Caan le hmun a kauh dan pawl cu pakhat le pakhat dangten an um thei lo. Atom khal dangten thenhran in tuah ter a ngah lo. Planet ih a um dan Chemistry thawn pehpar mi, ramsa lam zirnak thawn pehpar mi, kilkip zaten pakhat le pakhat an pehzom awk vekin nun nak a nei mi pawl khal mah te um mi pawlkom ih a then fatete an si kha ziangtik hmanah famkim zetin zingzoi khal le theihfiang ngaingai a theih lo.
Thaw nei mi pawl sinak thawn pehpar mi komawk dan ih a thenhrek pawl cu a tamzet mi nunnak a nei mi pawl khal in an nei ve. Thilri a si khal le thil sidan ah siseh, pakhat kha a then lawng kha zir in thei . Thu ih a um dan vekin a then lawng theih nak cu a kau zet mi thilri sidan pakhat pum thawn pehtlaih nak a um lo sile zianghman thei lo bembem phunkhat a si tin ti a theih.
139. Kiangkap tin kan ti tikah leilungpi le a par ih tlaihsan ih a um mi pawlkom pawl karlak ih a um mi kha a ti duh nak san asi. Leilungpi ih mah te cang mi kha kanmah thawn dangten a din thu asilole minung pawl um nak hmunram te lawng asi kha rel a ngah lo. Kan nih cu leilungpi ih taksa then kan si ih cu mi ah kan tel ih cu mi thawn cat lo in pehparawk nak kan nei.
Hmunram pakhat ih kiangkap balh nak a can nak thu kha kan simfiamg a sile cui hmunram ih pawlkom pawl ih hnatuan dan, cu tawk ih sumdawn dan, cuihmun ih a um tu minung pawl ih umtlan dan pawl kiangkap dinhmun pawl kha cui hmun ih a um tu pawl ih theihthiam dan, cu mi pawl kha zingzoi in theih a tul. San titluan a thlengawk nak a can rero ruangah harsat nak pakhat ih a hrek tin ah then in danglam deuh mi thuhla hrampi kha hawlsak ding in a ol lo ding.
Harsatnak phunkim lak in kilkip ih in simfiang sak mi simfiang dan kha hawl hmuh a tul. Cu mi simfiang nak ah leitlun ih kiangkap pawlkom sungin thaw nei mi pawl daiawk in cangvaih nak pawl pawlkom sung in minung le minung, minung le kiangkap ih pehtlaih nak zaten ruat tel cih ih simfiang nak asi a tul. Kan nih cu mahte um mi kiangkap le pawlkom nak thawn pehpar aw mi timi harsat nak pahnih kha kan pahtlang siloin hmuh nak a phunphun a tel mi harsat nak pakhat lawng a si ih cu mi mah te um mi kiangkap ih harsat nak cumi cu mah te um mi kiangkap ih harsat nak asi vekin pawlkom nak ih harsat nak khal a si.
Hi harsat nak ih simfiang a tul mi lamzin cu farah nak pawl ziangtin tuah ding, hnon a tuar tu pawl ih an si nak pawl kha tuah sak dingah, cu ti rualrual in kiangkap kha kilhim nak pawl ih kilkip ih thathnem nak a pe tu simfiang nak a si ding. Hi mi cu Pope Francis ih ngan mi leitlun pile a kiangkap kilkhawinak thawn pehpar mi cauk sungta kan run lo hlawm mi a si. Kan kiangkap kilhim tlangin nitin kan nunnak ah nungtlang uh si.
