2025 Jubilee thlacamnak
Vancungih um mi kan Pa, na fapa, kan unau a si mi Jesuh Khrih hnen in in pek mi zumnak thawn hmunkhat in; thiangthlarau Pathian thawngin kan thinlung sungah a alh mi duhdawtnak meisa cu a ra lai mi Bawipa na uknak kha duhnak tumpi thawn kan ruahsan theinak dingah kan mah ah in tharthawh sal hram aw.
Bawipai zaangfah velneihnak thawngin kanmah pawl cu thuthangtha thaici pawl kha nung ter in karh ter dingah cawl lo in a tuan thei mi riantuantu ah in can ter hram aw. Cui thuthangtha thlaici pawl cu van thar le lei thar ih cang thei dingah ruahsan in minung le leitlun pi ah hin run cangter hram aw. Cui tikcu caan a thlen tikah Satan ih thilti theinak hlo in Bawipa ih thawm huham khal kumkhua in a tleu ding a si.
Jubilee ih thlasuah thawngin kanmah ah khal vanlam thilti theinak a duh mi “ruahsannak thawn van lam khual a tlawngtu pawl” ti mi lungput kha kan parah run nung ter hram aw. In ruundamtu ih lungawinak le remdaihnak thlasuah pawl khal Jubilee thlasuah thawn leitlun hmunzakip ah thleng hram seh.
Kan Pathian ih thawm huham le thangthat sunlawinak pawl cu kumkhua in kumkhua tiang um camcin hram seh law. Amen.
