Pope in Myanmar ram, Kachin State ih leimin nak ah bawmnak pe dingah zangfah dil.

Kan dung tlawngkai nikhat ni zinglamih a cang mi Kachin ramthen nitlaknak ih lung mankhung laihnak hmun ah leiminnak a tuartu pawl bawmnak pe dingah ramtin pawlkom pawl hnen Pope in zaangfah a rak dil.

Vatican ih a mai mipi a ton ni tlawngkai nithum ni ah Italy ttong hmangtu pawl hnen a thusimnak a netnak ah Pope in Mining hmun ram ih inn pawl tampi a min ih thih le hlohnak le inn siatnak pawl an tam thu a rak sim.

Pawlkom pakhat ih a sim thannak ah a malbik minung 12 an thi ih mi tampi an hlo ih inn 50 hnak ih mal lo an pil ih an siat tiah a rak sim.

Pope in hi thilcang ih siatsuahnak ruangah hliamtuar mi pawl le nunnak cemtu pawl ih sungkhat pawl hrangah thla a cam sak thu a rak sim.

Hi tivek in harsat tongtu ulenau pawl cu  ram tin pawlkom pawl ih bomnak le lungrual tan pinak a mal thu a rak sim. Tidaan kel vekin ralbuainak le tuahmawhnak a tuartu pawl hrangah thlacam sak dingah Holy Father in mikip a rak sawm.

Ukaine, Myanmar, Palestine, Isreal le ral buainak a tongtu le thah a tongtu ram pawl hngilh lo dingah khal ralrinnak a rak pek. Remdaih hrang thlacam dingah zumtu zaten a forhfial phah ah raldonak cu a sun ringring thu a rak sim.

Curuangah Pope Francis in hrimhrei sertu pawl ih thinlung, thleng thei nak dingah thlacam sak tlang uh si tiah an mai tuahserhnak pawl in thah awknak a bawm ruangah a si tin a rak sim.

Hi mi thuthang cu January ni 15 ni ih Vatican thuthang in kan don mi a si.

Kan thuthang a rak ngai theutu zate parah lungawinak tampi kan nei ih nan zate parah Pathian in thlasuahnak lo pe hram seh.