Kum hnih sung Nigeria ramah Khristian minung thawng hra zikte thah tuar. (Jan 15, 2025)
2022 November in 2024 November sungah Boko Haram le a dang Islamic ruahnak luan pawlkom pawl ih thahnak ruangah Nigeria Khrishtian minung 10000 zikte lai thah an tuar thu, 2025 Global Christian Relief Red List ih sim thannak in theih a si.
Hi hmun ih leitlun Khristian thawn pehpar in hmuhsuamnak pawl a rak zohfel tu US hram bun ih a hlawknak lak lotu GCR in hremnak tuartu cazin a lak mi sungin theih a si. Cu mi an tarlang mi ca ah Nigeria cu thahnak le kaihtuarnak phun ah ti daan phun kim in hmuh suam an tuar ih Khristian a hrem tu ram 25 sungah a bese bik mi ram a si thu a tarlang.
A hlatnak hmun khua pawl ih Khristian pawl cu an tha naunak a tam vivo ih nitlaknak lam ih “sharia” ramthen ah hremnak le thahnak a tambik thu an simnak ah an tarlang. Acozah in hi tivekih tuahmawhtu pawl kha hrem ding tiah thukam a pe ko nan mi tuahmawh tu pawl petbet in an roh deuhdeuh thu an sim.
GCR in Nigeria ih a bese zet mi an cazin pawl cu a neh thei lo. Boko Haram pawl thawn Nigeria Khristian pawl cu hriamkai Fulani caw khal pawl le Khristian kha thah ti lawng si lo in kaih tuarnak thawn a karh rero mi tihnungza ruahnak pawl kha a tharthawh mi nitlaknak lam Africa ram then Islamic ramih hrinhro nak pawl khal an ton thu an sim. Hi thuthang cu Sw news in kan ngah mi a si.
