A hngal zet mi Kilaw
Voikhatlaiah khuapa khatah inn ih an zuat mi Kilaw a um. Ttong tla a ttong thei ruangah mitin in an duh zet. Cu mi kha a nih cun a hngal pi.
A innte ihsin a dang innzuat mi ramsa pawl kha a relsia ciamco. Cawpi nang cu nikhat hnu nikhat ei lawnglawng. Zianghman le na tuah lo. Arcang nang khal zinglam voikhat te na khuangih rawl lawnglawng na hawl. Uico nang khal it lawnglawng ti vek pawl in a ti theu. An nih pawl cun zianghman an biak sal lo.
Nikhat cu a nei tu nu te in vate inn a ong ih rawl pek ding a tuah rero lai ah thil thupi pakhat a rak um ih a va tuah ta, vate inn cu a khar sal lo. Kilaw khal leng ah a suak ih khi lam, hi lam pawl a zoh phah vivo. A thla pawl an tan sak ruangah a zam thei lo.
Lo kianglam a thleng ih cawpi cu lei let tu hnen ah bang zet in hna a tuan rero. Arpi le arfa pawl rawl an hawl lai a zoh rero lai ah rul pakhat in ar pawl kha a ra deh. Arcang pi ra in raltha zet in a sirh ruangah rul cu a tlan.
Kilaw in an nih khal an mah le hna ciar in an buai ti kha a theithiam ih a ruah rero lai ah vik tin zawhte pakhat in “a ra khuh ih” uico pi in a hlat nak ihsin a ra tlanih zawhte kha a keu tumzawng ah a tlan. Kilaw te cu a nun nak a him.
A nei tu nu te a ra thleng, a hnen in Kilaw cu inn ah a hruai ih thaten a tuamhlawm. Cui caan ihsin thok in kilawl te cu hngal le puarthau in a tong nawn lo. Kan nih pawl khal “Mai thiam mi hnatuan lawng kha kai tahrat in hngal hlah, midang ih thiam mi parah zir ding kha hngilh hlah uhsi.”ti mi tong te kha cinkeng in mah thiam nak pakhat men in hngal lo ding. Midang kha upat in an thiam thei nak kha zir in cing ding in theih a tul.
Cridet
