Fimthiam nak neitu le nei lo ih lamdan nak

          Fimthiam nak nei pawl cu an dai. An ttongkam a nem. Ttong tampi an tong lo, an tttong mal nan an tongsun ah fimnak tel in an ttong theu. Tongmal ten an tong ih an duhsan mi an ttong thiam ih midang theithiam dingin an ttong theu.

          Hnatuan nak hmun khalah ziangtlukin hna an tuan an porh dah lo ding. Tuah ding a neih mi kha daiten a tuah. Ziangtluk an nei ti tla an porh lo. Midang ih an ra ti khal le mithmai pan ten an ngai sak theu.

          Fimthiamnak nei lotu pawl cu, cu vek an si lo. Tong khal le hngal zetin an ttong, midang kha neh ding rori in an ttong. Hi vek minung pawl cu midang kha ttong lam khal in an neh konan thinlunglam ah an sung tuk kha an thei aw lo theu. Hna khal mal te lawng an tuan ih tampi an ttong. Ziangtluk in hna an tuan ti kha an porh aw.

          Ziangtluk in an lian, ziangtluk in an nei ti kha an ttong ringring theu an porh awk ringring. Cule khatlam mi khal an hmu niam. Fimthiam nak nei le nei lo cu an tong dan, an umtlan dan, an tuan dan pawl zoh in thei thei a si.