Thinghram thawn a bang aw mi Innsang Pa.

Pa cu

zuklem an si lo. A sinan innsang hrangah cun cawl lo in hna an tuan.

Pa cu

          Lungtum an si lo. A sinan innsang hrang ahcun tuar thei nak an nei.

Pa cu

          Huham neitu an si lo. A sinan innsang hrangah cun ziangtin kim a tuah thei.

Pa pawl cu

          Thil ti thei/ micak an si lo. A sinan innsang hrangah cun ziang khal an pahtlang.

Pa pawl cu

          Nunnak hlei an nei lo. A sinan innsang hrangah cun nunnak khal pek an ngam.

Pai liang cu

          Caw vun vekin a sah lo. A sinan innsang hrangah cun Caw thawn bang aw in thilrit an phur thei.

Pa pawl cu

          Ka lo duh tin tuletu an ttong lo. A sinan duh nak hnak in a tam sawn.

Pa pawl cu

          Ka lo ngai tin an ttong lem lo. A sinan ngai nak hnakih tam in an ngai theu sawn.

Pa pawl cu

          Innsang hrangah cun tlakrawh thawn dawl mi inn khulh nak thawn an bang aw. Harsat tong lo ding in kilhim tu an si.

Pa pawl cu

          Thingkung pakhat dinhmun in asile tidai zuuktu thinghram vek asi. Innsang ti mi a kung suak dingin, a teek pawl sau ding in, a rah par pawl rah ding in mai nunram kha innsang hrangah langsar loin  a bawm ringring tu pawl an si. Pa tihzah tlang thiam uh si.