Thinheng nak pawl kha sup thiam aw

          Ke nei lo ih paisal dil tu puter pai thu.

          Pafa pahnih te an feh phah ah ke a nei nawn lo mi kutdawh puter kha an hmu ih nauhak pa in danglam a ti tuk ih ding in a zoh rero. Cule Putar pai hnen ah a feh ih “pakhat ten thusuh a ngah maw ka pu” tin a ti.

          “Ngah ee sut aw” tin a ti ih “na ke cu ziang acing? Ziang ruangah na ke cu a tan” tin asut. A pa cun a hmaisong zet. A fapa hnen a hei naih ih “ cuvek suh dan a si lo ka fapa” tin ati.

          “Thuanthu pakhat ka lo sim ding. Hi cu mino pakhat hnen ih a cang ngaingai mi thil asi. thaten ngai aw” tin Putar pa in a sim.

          “Voikhat ah mino te pakhat a um. A nih cu Baanjuu ti mi laak pakhat a nei. Mino pa te in a laak cu a duh zet. Nikhat cu an pahnih in tiva ah dai an bual phah ah tisartam pakhat in Baanjuu kha tidai sung ah a hruai. Mino pa te cun Baanjuu te cu a run ngah lo. Baabjuu kha tisartam ih a keu rero lai kha zoh phah in a thinheng zet tu mino pa te cu tisartam kha ka that ding tin tiva sungah a dawp. A sinan cui caan ah a dang tisartam pakhat a ra lang ih minopa te kha a keu”.

          Puter pai tong kha a cat ih thei duh nak a nei zet tu nauhak pa te cun “ mino pate ziang a cang ka pu, a thi maw” tin asut.

          “Kum reipi a rei ih cui nauhak te cu Putar asi zo. A nih cu a tar tuk zo asi. Hi mi cu kei mah ngaingai ih ton mi asi”.

          Nauhak pa le a pa cu ar thih vek in an thi.

          “Putar ih hmuhton mi cu thinheng nak le phuba lak nak thu zir nak lak ding asi. Thinheng nak kha sup a tul. Cu ti asi lole thinheng nakin phubalak nak thinlungah a thleng ter thei. Phubalak nak in midang pawl nat nak a pek lawng si lo in mah le mah khal nat nak a pek aw thei a si. Thingheng cun sual nak pawl a tuah pang theu.  Curuangah kumkhua sirawk nakah a cang.  Taktak in keitla khai sun kha thinheng nak pawl sup thei in inn ah tlung ta bang sehla tuisun ah nan hmuh vek in ke nei lo ih kutddawh ka si lo ding. Kan mah kha naa ding ih i tuah tu pawl khal kha ngaithiam thei a tul. An nih in ngaidam nak thawn an tlak ruangah asi lo. Mai lam kha remdaih nak thawn kan tleng ruangah asi” tin puter pa in a sim bet.