Pope Francis in leitlun huap Methodist Council aiawhtu pawlkom pawl hnen cibai buknak a nei ih Nicaea Council ih kum 1700 kumkim thlen hlan ah leilung tlun Khawhhran pawl ih zuamnak pawl kha forhfial in a rak sim.
Pope France in leitlun huap Christian Khawhhran 80 hrawng sungih thuthluntu million 80 hrawng a um mi sungih Leitlun Methodist Council pawl thawn tlawngkai Nikhat ni ah cohlang in tonnak a rak nei.
A thusimnakah Catholic le Methodist pawl cu kan bangawk lonak kha pahtlangin kan dung lam kum 60 sungah khat le khat theihnak, hlawmawknak , theih thiam awknak le duhdawtnak in tonawk ih thurel tlang dingih nan zuamnak parah ka lung a awi tin a rak sim.
“Kam mah le mah kha midang hrangih kan onsak tikah naihniam awknak le theih thiamnak in nei ter ih cui remawaksal nak cu thinlung lam ih tuanvo a si” tiah a rak sim. “Kan Bawi Jesuh thianghlim thinlungin kan thinlung a tong tikah Bawipan in in thlengter a si” tiah a rak sim.
Pope Francis in Thiangthlarau ih lam hruainak hnuai ah kan mai “a bangaw lo mi thinlung duhnak pawl”kha komkhawm tlang dingah Methodist le Catholic pawl a rak sawm.
Hi mi cu tikcu lak ih khualtlawnnak a si. A sinan kan mah pawl cu Khrih ih thianghlim thinlung kha thupit le ruat phah in cui lamzin cu kan feh ding. Ziangah tile kan mah pawl cu khat le khat thaten pehtlaih aw dingah le Pathian ram rian dingah kan zir ding mi cu thianghlim thinlung in a si ruangah a si tiah a rak sim.
2025 cu Niceane Creed hrawngih Khristian pawl, lungrual ter tu Nicacea Council ih a hmaisabik Ecumenical council ih kum 1700 kim ni khal a si thu Pope in pehbet in a rak sim.
Methodist le Catholic biaknak cu Khrih ah zumnak a bangaw in thu a than tlang mi kan si ih “hi leitlunah Pathiang ih ram hrangah tetti khan tu ding ruahsannak ih hminsinnak pawl pekhlannak” ah a bangaw mi tuanvo kan neih thu hminsin in a rak sim.
Anetnak ah Pope Francis in Leitlun Methodist council le Catholic Church karlakih ramtin pawlkomnak commission ah tonawk ih thu rel tlangnak ah hna a rak tuantu Theologian pawl le pastor pawl hnen a lungawi thu a rak sim.
Pope in duhdawt mi ka nulenau pawl in rak tlawngnak parah ka lungawi tiah arak sim ih lungrual ten thlacam tlang uh si, Happy Christmas tiah cibai a rak buk a si.
Hi mi thuthang cu Vatican thuthang in a tawizawng le a remcang zawngih kan ngan mi a si.
