Pope Francis le France President a dangte ih an tonawknak theh in Holy Father ih Corsica khualtlawnnak cu a cem.

Hi tawkih na rat thei ruangah ka lungawi. Hi mi cu an pahnih ih an biakawknak ih a ttong mi a si. Ka hrangih tikcu caan in pek thei ruangah tin Corsica ihsin a feh hlanah France ram ih President Emmanuel Macron in Pope Francis a rak sim.

Pope Francis le President cu Napoleon Bonaparte airport ih inn khan te pakhat sungah zanlam nazi 6:00pm kim hlante ah tonawknak an rak nei.

An mah thawn pehpar mi aiawhtu pawl thawn Vatican Thantar le France ram Thantar thawn innkhan sungih timtuah mi ah tonawknak caanserh an rak hmang. 2019 lai ih Meisa kang mi kha an saksal theh hnuah kan dung zarh ah onnak caanserh an rak hman mi Notre Dame Cathedral Biakinn pi ruahsan ih suah mi Cauk pi kha laksawng ah a rak pek.

Macron cu Corsica le France aiawh in Jorge Mario Bergoglio hnen lungawi thu a sim theh hnuah France Tikulh ih Mayotte ah Cyclone thlisia hrannak ruangih a cang mi harsa tuar pawl khal a thei pi ih minung zalenglo nunnak a thahnak ruangah Agelus thlacamnak ah a rak mang nak ruangah a lungawi thu khal a rak sim.

Cuihnuah khansung ih thurel tlangnak an theh hnu cibai buknak an neih hlan ah Tifinriat ih thuanthu um daan reltlangnak thawn an tik cu an rak cem ter a si. Hi mi thuthang cu Vatican thuthang in a tawizawngin kan ngan mi a si.