(306 – 383) December-11
Mithianghlim pawl upat nak thangso deuh deuh dingin rak tuan tu mithiaghlim Pope Damasus cu Rome khuapi ah 306 kumah a rak suak. Cui caanah Puithiam pawl kha innsangnei lo ih umnak daan a um hrih lo. Damasus ih a Pa khal Puaithiam pakhat a rak si ve. Asinan, Damasus cu a pai Puithiam tuan nak tlawngah Deacon a rak cang. Pope Liberirs cu kum 366 ih a thih ruangah Damasus cu Pope ah an hril. Cu ti an hril nak cu Pope Antipope Ursinus in a rak dodal. Puah nak thazet nei tu Damasus cu mithinghlim Jerome ih leh mi Vulgate kha lungkim nak a rak pek.
Pope Damasus a nunnak netabik kum thum sungah a mah rak ho tu Jerome in “A thianghlim pawlpi ih mithianghlim pawl upat nak a khaisangtu, a cawisangtu” tiah a hmin a rak thang. Mithianghlim paw ih thlaan pawl le leihnuai thlaan ih an ret mi ca a si. Cuica cu “Kei Damasus khal hi thlaan ih phum ka duh. Asinan, mithianghlim pawl ih vutcaam pawl ziangsiar lo dingle ka phang” tiah arak ti. Pawlpi thuhla pawl ah mithianghlim Damasus cu Ardeatina lamzin ih um a mai sak mi Biakinn fate sungah 384 kum ah an phum thu an rak langter.
