Pope Francis in Christmas hlan ralbuainak in a siat mi ram pawl ah doawknak cawl ding, lungkim theinak dingah ramkhel lam ih upa pawl le ramtinkim pawlkom pawl hnen direct in zaangfah dilnak ca a rak kuat.

Christmas puai ah doawknak cawl in caanserh pawl ah ralbuainak hmun tinah doawknak cawl thei dingah a cozah pawl le International Community pawlkom pawl hnen zarhpi sun Angelus thlacamnak ah zaangfah a rak dil.

Christmas puai tikcu caan ah ralbuainak um hram hlah seh tiah a Cozah le International Community pawl hnen zaangfah ka lo dil tiah a rak sim.

Pehbet in a sim mi cu leitlun ralbuainak ram pawl ah thutha thlengin remdaihnak hrang thlacam cio dingah mipi pawl hnen a rak sawm.

Remdaihnak hrangih rethei a tuar rero tu Ukraine, nisuahnak a laifannak ih Palestine, Isreal, Lebanon le Syria, Myanmar le Sudan pawl ah ralbuainak le tuahsiat tong rero nak hmun pawl hrangah thlacam bet cio uh si tiah Pope Francis in zaangfah a rak dil.  

2023, October 7 ni Israel kha Hamas ih a donakah minung 40300 luan an nunnak a cem ih Gaza ah buainak a cang vivo ruangah a mai zaangfah dilnak pawl a suah ih kan dung thla sungah Isreal ih donak a hmuar a nasa zetih an ramri Lebanon ah a can salnak a si. Ukraine kha Rassia ih ram a nornak ni 1000 kum riahsiat za thuanthu rolung dinhmun in an ngamhnget vekin 2021 kumah a cozah thuneihnak longin ralkap ih thuneihnak an lak hnu, ramsungih ralbuainak a tong rero tu Kawlram le Sudan ah ralkap le ralkap vek a si mi mihrek khat karlak ih ralbuainak ruangah minung 60000 luan in an nunnak a cem ih 2023, April thla ih thok in inn le Lo tansan in an tlan.

Hi thuthang cu Vatican thuthang in a tawizawng in ngan mi a si.