Pope Francis in December hrang ih a mai thlacam tumtah mi a langter ih Christian pawl hnen kan mah pakhat ciar cu 2025 Jubilee puai ih rahsuah mi kan si ih ruahsannak thawn Pathian thu a thluntu kan si theinak dingah thlacam cio dingin Christian pawl a rak sawm.
Tui a ra ding mi Jubilee ah kan zumnak a hnget ter dingih kan nunramih a nungsal mi Khrih kha pom thiam dingah le kan mah pawl cu Pathian thu zawhtu ( khawm zawhtu) dinhmun ah in thleng sak dingah thlacam uh si tiah a rak sawm.
Pope in Tlawngkai nihnih ni ih a rak suah mi The Pope Video ah a mai thlacam tumtah mi thawn 2025 Jubilee onnak cu December Christmas Eve ah a tuah ding.
Kan leilungpi harsatnak a pe tertu buainak pawl Bawipa in a hraphria zet ih milai zaten ruahsannak kan neih a tul a si.
Christian ruahsanna cu kan mai nunram kha a tharthawh ter tu Pathian hnenih laksawng pakhat a si tiah Pope in ruahsan nak cu kan nunram hrangah thir khohpi vek a si tiah a rak sim.
Ruahsannak hri kha fek zet ih kaih a tul tiah a rak sim bet. Pope Francis in kan kiangkap ih a um mi mitin hrangah ruahsannak ih laksawng si dingah Pathian in kan nun ram kha ruahsannak thawn khahter dingah Khrihtian pawl a rak sawm.
“Kan nunnak in petu Khrih thawn kan tonawknak cu khat le khat bawm aw ton in kan nunram sunloih dingah ruahsannak a neitu Pathian hawltu pawl dinhmun in kan feh tlang pei” tiah a rak sim. A ra lai ding mi Jubilee ih luhnak cu nunram ih dinhmun pakhat a si.
Jubilee puai hrangih Pawlpi ih timtuah lai caanah Catholic zaten hnen 2025 Jubilee kum hrangih motto a si mi Ruahsannak ih Khawmzawhtu pawl si dingah a rak sawm a si.
“Hngilh hlah” tiah Pope in “ruahsannak in ziangtik hmanah mi a beidong ter lo. A tu ah cun leilung hmuntin ah donak le ralbuainak pawl ton rero a si ih Pawlpi in a mai ruahsannak kha hnget ter in cu mi cu leilungpi ah theh darh dingah tuanvo a nei.
Pathian ih duhdawtnak parah a bunawk ruangah mitin beidong lo dingah ruahsannak thu pawl kha mitin ngah thei dingah video ihsin mino pawl hrangih tumtah mi pehtlaihnak tidaan pakhat thawn thlacam tlang dingah Archbishop in a rak sim. hi mi cu Vatican thuthang in a tawizawng in kan ngan mi a si.
