Fimnak timi cu cathiam lawng kha a si lo vek in cathiam cathiam lo ti mi thawn a pehpar awlo. Theih nak le ruahthiam nak kha a thupi sawn.

Thuhla um dan zohthiam ih a sual tel lo ding in a sual si lo ding in sual nak thawn hlat aw ding in ralring zet ih tong khal hi fimnak asi.

Tuah lo ding mi pawl tuah ngah pang lo ding in tong lo ding mi pawl tla tong lo ding in hmuh mi kha hmu sual lo ding ding ih kilkawi awk khal hi fimnak asi.

          Mah thawn a pehpar aw lo kha tel ngah lo ding in, tong ve lo ding in, tel ih saya tuan lo ding ih um thei tla hi fimnak a si.

          Theih tha lo mi pawl thei lo vek ih um nak, theih mi khal theih a that lo ruangah thei lo vek ih um thei nak, thei lo mi kha thei vek ih um nak, theih a tul mi pawl khal thei ding ih tuah khal hi fim nak thotho asi.

          A hrekkhat thuhla pawl cu kan thinlung ih ruahthiam nak ruangah kan thei ih fim nak kan ngah. Hrekkhat thuhla pawl cu midang ih relnak in thei ih fim nak kan ngah theu.

          Puarthau nak thinlung pawl tong hrang nak thinlung pawl iksik nak thinlung pawl hmuh dan a bang aw lo timi thinlung pawl mal ding in hlo ding in kilkhawi thei ding in tuah zuam rero khal hi fimnak asi.

          Minung pawl hnen ah leitlun lam le Pathian lam fim nak tin a um ko nan thuhla pakhat kha thaten ruatthiam ih kilhim thiam kha a thupi sawn.   

#credit: