Zarhpi sun Angelus thlacamnakah  Pope in ralbuai rero mi ram pawl, Myanmar ram ah harsat tuar rero tu pawl, Rohingya tel in refugees pawl, dam lo tu pawl, nauhak pawl le kum upa pawl hrangah thla arak cam sak. Pope in Ukraine, Palestine, Israel, Lebanon le Sudan ram pawl hrangah mitin thlacam sak dingah a rak sawm.

Zarhpi sun Angelus thlacam a cemnakah Pope in remdaihnak hrangih a tulsam mi pakhat hnu pakhat tuah thei dingah le thurel tlangnak nei thei dingah a rak sawm.

Ralbuainak ihsin ngah mi harsatnak pawl mangsal in zumtu pawl hmun khat in thlacam sak tlang dingah a rak sawm. Amah in Myanmar ram thenkhat ih mithli tlaknak pawl a langter ih thaiziang November 25 ni cu 1920 lai ih Phunsang tlawngta pawl a hmaisabik duhporhnak an rak tuahnak hngil lonak ni a si tiah a sim.

Thaizing cu Myanmar ram pi in national holiday an hmang ding, cu mi cu zalennak ngah ding ih lamzin ah duh porhnak a hmaisabiak an rak tuah nak le tu ni tiang arah suak in cang suak thei ding ah an zuam rero lai asi vekin democratic le remdaihnak ngah dingah an cangvaihnak an tuah a si.

Myanmar ram ih mipum zaten hrangah tuarpi nak ka langter a thupi bikin tu ih ral do rero tu pawl sungih sin harsatnak tuartu pawl, siatsuah ol tu pawl, nauhak pawl kum upa pawl, mi naa pawl, Rohingya tel in rambuainak ruangin mai ram in a tlan ih beunak hawl tu pawl hrangah a zaangfah nak a rak lang ter.

Pope in Ukraine, Palestine, Israel, Lebanon le Sudan remdaihnak hrangah thatho zet in thlacam sak dingah mitin hnenah pehbet in a rak dil.

Hi mi thuthang cu Vatican thuthang in kan don mi a si.