The Holy See Pree Office in hmai thla ah Pope Francis in Dec 15 ni ah nikhat sung a mai Tuu khal khual tlawnnak a nei ding tiah a rak tarlang. Napoleon Bonaparte ih suahnak khua a si mi hminthang zet mi Tikulh ah Pope cu a hmaisabik hi hmun ih a fehtu Pope a si ding tiah an sim.

Vatican ah simthan theinak a neitu Matteo Bruni cu Pope in cui tikulh khuapi a si mi Ajacco ah December 15 ah a tlawng dingih France ram mipi pawl le Kawhhran ih thuneitu pawl ih sawmnak a rak cohlan mi a si tiah sim.

Hi mi khual tlawnnak cu Pope Francis ih a vei 47 nak ramleng khual tlawnnak le France ram sungih a vei 3nak a Tuukhal khual tlawnnak a si ih 2014 ah Strasbourg le 2023 kumah Marseille ah a rak tlawng dah.

Pope in Corsica ih khuapi Ajaccio ah Cardinal Francois- Xavier Bustillo cu kan dung kum ah Cardinal sinak a rak pek mi a si ih hi Tikulh ih um tu minung mipum 340000 luan, zatek 80% in an rak hmuak ding a si.

Pope Francis cu Bishop pawl, Puithiam pawl, Saya pawl, upat tlak mi upa pawl thawn thurel tlangnak an nei ding ih Ajaccio ih Cathedral of Our Ladyof the Assumption ah Pope in thlacamnak a nei ding a si.

Tlang fatete a tam mi tikulh ah a dang lam mi biaknak ti daan pawl thawn Bawinu Maria nasa zetih upatnak ruangah mi theih tam mi a si. Tikhulh ih ngamhnget lo mi hla cu Diu vi salvi Regina cu a thok ah ‘Hail Holy Queen tiah leh a si.

Pope Francis ih Corsica ih December 15, 2024 ih a Tuukhal khual tlawnnak hrangih Motto cu “Jesuh cu hnatha tuah dingah a ra” ti mi a si ding. (Tirhthlah 10:38) An thupit mi cu Corsica ih Siangpahrang Bawinu tin ngamhnget cia mi a si ih Tipi kulh le Christian pawl thawn komawknak ti kha lam a hmuh a si. Hi thuthang cu Catholic thuthang ih kan don mi asi. Kan thuthang a rak siartu zate parah lungawinak tampi kan nei.