Veikhat ah vanzam pakhat sungah lawyer pakhat, si bawi pakhat, Puithiam kum upa pakhat le nauhak pakhat cu khual an tlawng tlang. Cutin an to mi vanzam engine cu rin lo pin a tha lo. A mawng tu pakhat khal ka ti thei tawk a tha bik in ka zuam nan a ngah lo ruangah “Nan nih khal nan dawp le a tha ding” tin a ti ih a nih khal vanzam ihsi dawp dingih hruk mi a lak ih hmaisa bik ah a dawp.

Vanzam par ah a um lai mi cu mi pali vanzam ihsin dawp nak ih hruk mi cu pathum lawng a tang. Cui caan ah si bawi pa in “Kei cu sibawi nitin zik te in minung pawl ih nun nak ka bawm ka nun nak cu man a nei” tin a ti ih vanzam ihsin dawp dingih hruk mi pakhat a la ih a dawp.

         Lawyer pa khal in “Kei cu lawyer .. lawyer ti mi cu leitlun ih a thiam bik mi a si nun tlak ka si “ tin a ti ih a nih khal vanzam ih sin dawp ih hruk mi dip a lak ih a dawp.

A tang mi Puithiam pa in nauhak pa cu a sim “Nauhak pa kei cu leitlun ih ka um nak a rei zo, ka kum khal upa zo, ka caan a cem zik thlang curuangah nang mah in netabik a tang mi kha lak awla feh aw nun ram kha nuamzet ih pahtlang aw” nauhak pa cun vanzam ihsin dawp dingih hruk mi dip kha Puithiam pa a pek phah ah “Thinhar hlah Puithiam, tute ih leitlun ih a thiam bik mi pa in ka bag a lak ih a dawp,” tiin a sim.

         In zirh duh mi cu nang mah ih na hnatuan in nang cu ziangvek minung a si ti a nemhnget lo nan mah ih thiltha na tuah nak lawng kha a thupi.