Fa le 10 ka cawm laiah kan farah kan har tuk tin ka tap dah lo. Tu vekih ka tar ka cah lo hnuih fa le pawl ih hnon ka tuar ruangah ka tap.

         Fa le pawl hmailam hrangih zohniam mi hna pawl ka tuan caanah ka tap lo tuvek fa ngaingai pawl in in hnon ih zianghman sungkhat aw lo mi fa le hri pawl in rawl in barh tikah ka tap.

         Fa le pawl hrang hna ka tuan phah in mi in in zoh niam in hro caanah ka tap lo fa le pawl in nu kha in kawk in hro caanah cu ka tap.

         Fa le pawl ih nunram kha ka duhdawt nak pawl thawn ka nuam ter ih hnangam nak ka pek thei caanah ka tap lo.

         Ka tar tik caanih fa le pawl ih duhdawt nak hnangam nak hman sim hlah a leng thuah kor hlum pakhat te hman ngah nawn loih hno ka tuar tik caanah ka tap.

         Fa le pawl hmun phiat ti mi cu hmawn pawl kha in thianghlim fai sak ko nan cui hmunphiah te cu a hlun ih hman a tlak nawn lo caan ahcu a mah rori kha hnawn dinhmun ah a thleng sal ih hlon a tuar.

         Nu le pa ti mi khal fa le pawl nungram ih hlawhtlin nak a kham sak tu hnawn pawl kha a thianhlim fai sakih fa le pawl ih nungram khualtlawn nak kha felfai dingin tuah sak tu a si.

         Asinan nu le pa ti mi cu hmunphiat an si lo. An tar ih hman an tlak nawn lo hnuah hnawn pakhat vek in ruat ih ol zet in hnong pang hlah uh. Nu le pa cun mah fa le pawl par ah sual an burh lo ih an theithiam an ngaithiam thei ko nan ka fapa ka fanu rori khal nikhat ah cui hmunphiat dinhmun thlen sal ding ka phan ruangah a si.

Credit: မူရင်းစာရေးသူ