Ni ih a nom nak sim dingah zaan a thlen tiang hngak ta aw. Rualpi tha le tha lo sim dingah harsat nak na ton caan tiang hngak ta aw. Nupi pasal tha le tha lo sim dingah na dam lo caam tiang hngak ta aw. Fa le fim le fim lo sim dingah an tar tiang hngak ta aw. Na nunram a nuam le vansia ti sim dingah nunram ih nitlak caan tiang hngak ta aw. Mi pakhat kha tha le tha lo sim dingah kom caan a rei tiang hngak ta aw. Mipa pakhat kha a sual, mi famkim a si ti sim dingah a tuah mi pawl kha a ttong dan hnak in zoh sawn aw.

          Nunau pakhat ih thuhla kha hna theih men ih soisel dingah thuhla pawl a dik ih a hman tiang hngak ta aw. Hnipuan tha zet a hruk tu kha mi upa mi tha a si ti dingah a ttong mi le a tuan dan pawl zoh ta aw. Hnipuan sia te a hruk tu kha a nungcan tha le tha lo soisel dingah a tuah dan pawl hngak in zoh ta aw. Leitlun pi ah ziang thil khal theih nak ih botcat a theih lo vekin hmuh nak pakhat tahnak pakhat men in tuan zet le ramgzet in botcat pang hlah. Thil ziang kim cu na ruah dan thawn veikhat vei hnih lam dang pi an rak si theu.