Pope Francis in tlawngkai nithum ni mipi pawl a tonnak a cem zawngah leilungpi remdaihnak hrangah thlacam bet dingah zaangfah a rak dil.
Pope Francis in Ukraine ih nunnak cem tu pawl cazin a rak ngah ih tihnung za a si thu a rak sim fiang. Kan dung thla lam ah Wall Street Journal ah Ukraine le Rassia ram hnih ah nunnak cemtu pawl minung than khat (one million) tiang an si zo thu an tarlang. June thla, thla khat sung lawngah mipi 12000 luan an thih thu Ukraine ram thunei tu pawl in thuthangah an tarlang a si.
Amai zaangfah dilnak ah Pope Francis in “ral donak cu a thok in sunnak a si zo” cu ti a si ruangah ” ngai dam a thei lo ” tiah petbet in a rak sim.
Remdaihnak hrangah thlacam uh si. Minung pawl hnenah remdaihnak pe hram seh. Kawlram pi khal hngilh hlah uh si, minung sinnak thawn kaih aw lo in do tuar rero tu Palestine khal hngilh hlah uh si, Isreal khal hngilh hlah uh, ralbuainak a tong rero tu miphun zaten hngilh hlah uh si tiah a rak sim.
UN ih minung zawnruahnak thawn pehpar in Emergency lam ih tuanvo neitu in October 2 ni ih sin Gaza tikap tluan ah in ei pawl a thlen hrih lo thu a thu simnak ah in le ei pawl a mal lai ih an diahawk hrih lo thu a rak sim.
Pope Francis in tuisun a miat tam bik suahnak ih hriamhrei suahnak hrangah a tam zet mi sumpai hmannak khal a rak soisel. Hi mi in kan mah pawl in ningtih ter tu nambat ( cazin) pawl an si.
Leitlun pi thawn pehpar in hriamhrei ( ralthuam) zuarnak cu 2021 kum in euros billion 100 tang a si thu tuhrawngih ngah mi thu in thei a si.
