Hi mi kan siar hlanah Khrih a rak suahhlan BC 6 le kumzabi 1 karlakah leitlun ih milian hminthang bik pawl lakah minung 5 ih hmin pawl na thei maw? Pakhat tal teh kan thei maw? ruat hnik uh si.
Hi mi ah hin a rei tuk zo ruangah kan thei lo a si khal kumzabi 1 in 18 karlak ah Leitlun ih milian hminthang bik pawl panga rel aw ti khal sehla theih a si zik lo.
Hi khal hi a hla tuk a si khal le 1930 in 1960 karlak Kawlram ih milian hminthang sungin panga sim aw ti khal sehla kan thei ding hi zum a um lo.
Cuti a sile thusuhnak veikhat sut sal sehla Khrih a suahhlan BC 6 in kumzabi 1 karlak ih leitlun minung pawl kha fimnak a pe tu Confucius, Pythagoras, Socratic, Budah, Uclis pawl sungih sungin pakhat tal na thei maw in ti sehla thei kan ti ko ding.
AD 1 in 18 karlak ih leitlun minung pawl theih kauhnak petu pawl Jonathan, Calilius, Deca, Leonado benchi, shakesapare pawl tla an si. Hi panga pawl sungah na thei maw in ti sehla ka thei kan ti ko ding. Cun 1930 in 1960 karlak ih kawlram mitam sawn hrangah theih koh ding, thinlung tha nei ding, mi hrang thatnak pakhatkhat tuah sak tu ruat hnik awla na thei maw? tin in sut sehla,
SayaGyi ShweUudawng, Saya Zawgyi , U Chit Mg, Saya San, Bo Aung San, Takhin Phu Hla Gyi, Uukdamah, U Zazat pawl an si. Hi mi pawl sungah panga cu kan thei theu ko ding. Tiduh san cu minung thuanthuah minung pawl cu leitlun mi hrangih theih kauhnak, thinlung thawn minung pawl ih thathnemnak lawng a tuahtu pawl lawng hi an rak hminsin theu a si. Sumpai pakhat lawng a neitu, leitlunih a mankhung bik mi motor a to theitu a neitheitu pawl kha thuanthuah an rak tang lo a si.
Cun kawlram pumpi kan zoh a sile milian hmin thang, pawl kan zoh a sile an hmin thawn inn thatha an nei ko ding. Hi ti a neitu pawl khal hi milian pawl thawn a pehtlaih aw mi pawlkom pawl kha thinlung in theihsak in a pe aw tu pawl khal an um ko ding. An liantuk ti ih mi upat peknak a ngah tu zohman an um zik lo.
A sinan an mah thawn pehpar mi pawlkom pawl hrangah theih kohnak thinlung thawn minung pawl ih thatnak a tuah tu pawl ih hmin cu a phunphun in siseh, lamzin hmin in siseh an sunloihnak cu hmuh theih a si. Tiduhsan cu theih kauhnak kan hawl khal le leitlun thilri kan hawl a sikhal le minung pawlkom hrang kan ruat lo ah cun minung pawlkom lakah a tanglan thei lo a si. Na hnatuannak pawl cawl in nunnak a cem tikah nang cu a fate bik mi ah na cang dingih na hlo cih ta ding asi tin ti duhsan mi a si. Kan ca a rak siartu zate parah lungawinak tampi kan nei. Hi mi cu Konanda moe ih ngan mi sungin kan run tarlang mi a si.
