Mah kha in pek duh lo mi thil pawl si le ka ngah lo khal le a ngah ti mi thinlung thawn remcang ding in um aw.

          Minung pawl ih thu theih sinsin a sile um nak leilung pi cu a tum sinsin ih feh lai ding mi khualtlawng nak cu a hla sinsin vek a si.

          Curuangah tu neta lam ah cun kei mah le keimha ka zoh aw thiam sal.

          Mai kiang ih mi pakhat khat um lawngah a remcang ding ti ka ruat mi ruahnak pawl kha hlo ter dingin ka zuam.

          Nunram ih thabangnak pawl reh dingin mah le mah lawngin ka hnem aw duh.

          Theih hrih lo mi thu hla pawl kha ca pawl siar, hna pawl tuan phah in ka zir phah ding tin ka bot cat.

          A thlum mal mi coffee khuat khat kha a hlan ai in ka duh sinsin.

          Nungram sungah hrekkhat minung pawl cu an mah an tul ruangah mah thawn remcang ding in an zuam.

          Cutin an duh mi a kim ni nikhat ah mah kha thlahphoih dingah an phur rit lo.

          Cutin ih hman tuar mi thinlung kha a tuar dahtu pawl in an thei.

          Curuangah mah le mah zoh sal aw in mah ih Tulsam mi pawl kha ka khah silh ding.

          Mah ih ziang tluk duh mi thil a si khal le sunnak a um tikah a cem tiang dung ka tun ding.

          Pangpar pawl hman mawi zetih an par duhnak an mah ih an sunmang cu thli le ruah pawl kha an do neh ih an par suak thei lai a sisi .

          Kei mah ah khal sunmang pawl ka nei. Mai nunram ih nunnak hrangah mah lawng kha Oxygen (nun nak thaw) ka si duh.

          Duh hai mi a um a si le mah ten ka tuah dingih ka la ding ti mi pom nak thawn mai thinlung kha harhdam ding in um ding.

          Thin a nuam lo mi ni thla pawl kha thlahphoih in a tang mi ni ah lungawi zet in ka nung ding. Casiartu zate parah tampi lungawinak kan nei.