Mithianghlim Magaret Mary Alacoque cu kum (1647) ah a rak suak ih Bawi Jesuh thianghlim thinlung ih dungthluntu a si. A nauhak laiah a pa in a thih san ih hnen-um vekih a zohtu a ni ih hrem nak tuar thei dingah Bawi Jesuh ih Thi le Sa cu thazaang ah a rak lak. A kum (21) ah Paray-le-Monial khuapiih um, a mah rak bawm theu tu Sr. tlawng ah a sungkua pawl ih lungkim nak tel lo in a rak lut. Mithianghlim Magaret Mary ih nun cu a rak harsa zet, a sin an a harsat nak phunkim cu thinsau nak thawn a rak tuar.
Kum (1673), December (27), ihsin thok in thla (18) sung hmuahhmuah Biakinn sungih Missa raithawi nak cabuai ah Bawi Jesuh in Magaret Mary hnenah a thianghlim thinlungih duhdawt nak tum zia kha rak hmuh. Cui hlei ah midang a hmuhsuam rero tu thiltha lo pawl thleng dingah ap awk nak tuah dingah a rak cah. Thlakhat sungih a hmaisabik zarhkhat nak tlawngkai ninga tin ten ap awk nak cu thianghlim thinlung hnen ih ap nak pek dingah le tlawngkai nili zan nazi (12) hlan nazi pakhat duh ih tuah dingle thianghlim thinlung puai ni tuahnak in ap dingah a si.
A mah ai ih upa pawl in Magaret Mary cu an zum lo ih cui langnak cu in hmuh aw tiah an ti. Cui hnu rei lo teah Mary cu danglam zet le a besia zet mi a nat nak in a dam. Cu le Mary in Bawi Jesuh ih rak sim mi Satan ih sualsawm nak ih luat nak dingah upa pawl ih lungkim nak tel lo in ziang thil hman tuah hlah ti mi tongkam a vun mangsal.
Cui thuhla cu mitampi ih an theih tikah a hrekkhat pawlpi lam ih mifim mithiam pawl ih zum nak ding hrangah an el awk ih Sr, Mary cu rawl tam deuh ei dingah ruah nak tha an pek. Van that nak in Puithiam Clawd La Colombiere in cui buai nak cu tuamvo a lak ih Parish upa pawl ih hmaiah cui mangbangza lang nak cu lungkim in a rak hum. Kum (1687) ah Jesuh ih thinlung thianghlim upat nak ah tin Paray khuapi ah Biakinn pakhat an sak ih Bawi Jesuh ih thinlung thianghlim upat nak cu pawlpi um nak hmuahhmuah ah a rung kawh zai. Mithianghlim Magaret Mary cu kum (1690) ah a nun nak a rak cem a si.
Mithianghlim Magaret Mary hnenih Bawi Jesuh langnak a rak ngah leiah thla ih zarh hmaisabik tlawngkai ninga ni hi a mai thianghlim thinlung duhdawt nak a rak hmuh vekin cu niah apawk nak, pumpeknak a hleice in tuah dingin a rak fial a si. Curuangah St. Mary Magaret Mary hnenih a cah mi cu tui nitiang a pehpeh n a runtuah tu minungtampi an um vekin Jesuh thianghlim thinlung upat nak ni sunglawi ah a hleice in upat nak, sualcawhkuannak le ap awk nak cio uh si.
