Aid to the Church in Need (ACN) in October 18 ni ah Leitlun ih nauhak pawl one million Children Praying the Rosay ti mi thutlang thawn Rosary thlacamnak an nei ding.
October 18 ni ah Leitlun ih nauhak thawngza lenglo pawl in Aid to the Church in Need ih hoha in tuah mi “one Million Children Praying the Rosary” (Nauhak million khat ih Rosary thlacamnak) cangvaihnak hrangah an komkhawm aw ding a si. Zarhpi ni Agelus thlacamnak ah Pope Francis in Ralbuainak hmun ih a um tu nauhak pawl Ukraine, Myanmar, Sudan le ralbuainak le donak a tuar rero tu a dang ram pawl ah zaangfah lainatnak thawn an harsat tuarnak pawl Bawinu hnen ah ap tlang uh si tiah a rak sawm.
ACN ih simnak ah nauhak 375000 luan cu Rosary cam dingah an ap aw zo ih kan dung kum ah than khat ( one Million) luan an tel thei. Portugal ih nauhak pawl cu Fatima ih um mi Chapel of the Apparitions ah Cardinal Antonio Marto thawn Rosary thlacam nak an nei ding a si.
Hi mi ACN pawlkom cu 2005 ah rak din mi a si ih Rosary cu leitlun pi a thleng ter theu ih that lonak pawl a neh ih remdaihnak a kengter thei ti ih zumnak thawn din a si ih Fatima ah Bawinu Maria ih mangbangza langnak ah a rak sim dah a si. Hi mi hoha nak cu ACN in Fatima Shrine of Fatima, Pope’s World Prayer Network and the World’s Apostolate of Fatima thawn komkhawm ih tuah mi a si. Hi thu thang cu SW news in kan don mi a si.
