Mai fale kha mah rori ih a siatral ter tu nu le pa pawl
“Ka nu, hi mi hmeh thawn ka ei duh lo, khi mi hmeh thawn ka ei duh.” Nu ih hmuh ah cun in dil mi hmeh thawn ka ei ter a sile hna set dem tin a ruat men ding. Asinan nauhak ih thinlung ah cu ei duh mi ei a theih. Ei duh zat ei ding. Ziang thil hman dawn kham rero tul lo ti mi ruahsannak kha nauhak ah nuam teten a lut mi cu nu in a thei man lo.
“Ka nu … tui sun cu tlawng ka kai peih lo” “Aw.aw.. khuan ka lo dil sak ding.” Nu ih ruah nak ah cu tuisun nikhat tlawng a feh lo men in zianghman a poi lo tin a ruah men thei. A ngaingai ahcun tlawng hman ten kai ding ti mi daan kha ol te pah bal dingih tha pek nak a si. Tlawng nikhat pelh cu zianghman a si lo ko nan, nauhak ih ruah nak ah “Ka kai duh lo khal le a ngah” timi ziang hmuahhmuah khal ol tei thlun duh lo nak thinlun cu nuam teten a tha a cak vivo. Hi mi cu nu in a thei ngah lo theu.
“Ka nu zo thawn kan sual aw.” “Aw.. nang mah in neh dingin tuah aw.. pakhat khat a can khal le keimah ka lo tuah sak ding.” Hi a nu ih hmuh daan ah hivek thil cu ka fapa na neh tengteng a tul…keimah ka simfiang ding ziangziang a can khal le tivek. A ngaingai ahcun harsat nak pakhat khat cu a mai kum ih zinzir in tawlrel thei lo in kut thlak tiang tuah duhnak thinlung..ziangziang a tuah kha le ka nu le pa in an rel ding ti mi lungput an nei ter a si. Hi mi cu nu in a thei ngah lo. A upat a si le nuam teten a zir leh ding ti mi cu a hman lo mi a si.
Nauhak ti mi cu an mai daan a si. (Veikhat nak ah lem ding…veihnih nak ah hringhro ding……veithum nak ah lem phah hringhro phah in tuah ding.)
Nauhak lai ihsin zirh theih mi daan pawl a um. A kedam kha kom te in phoh ter aw…rawl a ei a si le fuan lo ding in ei ter aw…(Mah ih ei ter duh mi vaitamin kha ei lo, theih lo ei ter thei ding in zuam aw.)
A leh theh in a lek nak thil pawl kha a mah ten thaten re ter aw. (A ret lo a si le a tuah duh mi thil kha on hrimhrim hlah) A nauhak lai ihsin nuam teten kilkhawi vivo ding a si.
A nauhak lai ihsin daan nei lo mi nauhak cu a hung upat tikah ziangvek daan a si khal le ol ten tlun ding a har.
Nauhak pawl kha kan pek ding mi a hman mi nomawk nak cu a duh mi zaten lei sak, leh nak hmun pawl ah feh pi ringring ti vek a si lo.
Tu an mai dinhmun ah an thlen nak kiangkap, an kum zat, anmai an theihthei nak thawn daan thlun in nuam ter ding mi a si.
Nau a it lai ruangah, ka thang siang lo ruangah tlawng a kai lo a thupi lo tiih a ruat tu nu le pa pawl, sunvu phone le hmai hla aw lo mi nauhak pawl kha sim an theih lo tin thuhla pakhat lawng ruangih a on tu nu le pa pawl an si.
Phone pakhat sungih kan mah hman ih kan theih lo mi an nih in an theih tiih a sunlawih tu nu le pa pawl, nikhat ah nazi 10 hrawng ca zoh ter ih a upat a si len cathiam a si tengteng ding tiih a ruat tu nu le pa pawl, nauhak te cu mi upa vekin mi a ko thiamtu kha ttong a thiam tuk tiih a sunlawih tu nu le pa pawl, nauhak te cu beer dawr ah to in in a thiam kha sayagyi rori a si tiih hawlcop in porh rero tu nulepa pawl kiangkap ah tamzet hmuh ding an um.
Mai fa le kha mah duh daan in kan tuah thei, mah fa le kha mah duh daan in kan rem thei ko nan pakhat cu ralrin nak ka lo pek duh.
Hlo duh nak ih hlo mi thlaici cu … a keuh duh nak ah a keuh ding ti mi kha va hngilh hlah.
Credit: Daw Ayi Ma Ma Myo
