Leitlun zirhtu (Saya) ni hminsinnak cu St. Augustine Biakinn ih hall khaan ah Oct-5 ni ah an rak tuah.
Hi caanserh cu Yangon Catholic fimthiamnak lam Commission le Bago ih Shwe Hentha private tlawng pawl in hoha in an rak tuah.
Hi caanserh ah Yangon ih private tlawng hrekkhat le pumcawm nak tindan hrekkhat ih saya/mah pawl le tuanvo nei tu pawl an rak tel.
A ra tel tu tlawng pawl le tindan tlawng pawl in cu mi pawl ih tumtah nak, tuah nak pawl kha Power Point pawl, video clips pawl thawn an rak lang ter.
Yangon Catholic Archdiocese ih Fimthiamnak Commission ih hohatu Rev. Fr. Abraham Shwe Win in “Saya/mah pawl cu a pahnih nak leitlun ih nu le pa an si ruangah minung kiangkap ah saya/mah pawl kha upat ding a thupit thu a rak sim.
“Saya (zirhtu) phunhnih a um. Innsungsang ih a hmaisabik saya cu nulepa pawl an siih a pahnih nak cu tlawng pawl le phunsang tlawngih saya pawl an si.”tin a rak sim.
Caanserh cu Myanmar Catholic Bishop Pawlkom Fimthiamnak Commission ih hoha tu Bishop Noel Saw Naw Aye ih Missa raithawi nak in an rak cem ter.
Caanserh ih a cemnakah kum 70 tlun saya/mah pawl kha sunlawih nak laksawng an rak pek.
Leitlun pi ih saya/mah pawl kha sunlawih ding le leitlun saya ni cu kumtin Oct-5 niah 1994 kum ihsi thok in leitlun pi in an rak tuah thok.
News : RVA Sgaw Karen Service
Picture 1- Children from different learning centers took part in World Teachers Day
Picture 2- Participants of the World Teachers Day Event
Picture 3- Children present their performance to the Audience
Picture 4- Rev. Fr. Abraham Shwe Win, Director of Yangon Archdiocesan Education
Commission
