Cawn a tlak mi nunau

     A daizet mi nunau pakhat cu a thinhen nak kha ziangtik hman ah a lang ter lo.  Mithmai pan nak thawn a thinhen nak kha a kil.  Thinlung thiangfai mi nuanau cun tuanvo pakhat kha neh lo in a phur lo. Thutiam nak ttongfang pakhat kha ruat aw ta in a tong theu. A felfai mi nunau pakhat cun mai hrang lawng a zoh lo tuah mi tin kim in midang hrangah tin a ruat tel sak cih ringring.

     Thinlung ruah nak sang mi nunau pakhat cun thin nat nak pawl ruat nakah caan an pek lo. Caan khel in zir nak an lak ih hmailam thangso nak ding ruat in tikcuu caan an lak.  Thinlung ruah nak puitling tu nunau cun ziangtik hmanah midang ih neih cia mi an long lo. Mai neih cia mi thil pawl kha an thupit sawn. Ruah nak tha a nei tu nunau cun  mithiam pawl ih dungthlunnak kha rinsan in an  tuah lo. Mai lamzin mah ten sial thei dingin rei lo te sung mi dung an thlun.

     San a man mi nunau cu Makeup le hmaihnih nak pawl hnih ding an ruat lo. A nunram hlawhtling dingin kiangkap pawl thawn ziangtin kan um tlang ding ziangtin thangso ih a thlengawk ti mi lawng thupit in an ruat. Thiam nak nei mi nunau cun duh nak timi kha um lo theih lo nunram tin an ruat lo. Nunram ah um lo khal le a cang thei ih tulmi thenkhat ti lawng in an thencat.

    Ziaza tha mi nunau cun ttongkam khat kha hmurzim in an tong lo. An thluak thawn an then ih an thinlung thawn an cekfel hnuah tongkam khat kha an ttong.  Nunau tha timi cu rei lo te nuam nak kha  sumpai ih nuam nak pawl kha duhham nak in athleng lo.  Hell ram tiang thlen thei nak that lo nak thinlung tin an ruat. Casiartu zaten parah kan lungawi.