Jakarta ih Archbishop, Cardinal Ignatius Suharyo Hardjoatmodjo in Pathian ih sersiam mi kilhimnak ah kiangkap lam hrang sirawk a tul thu a rak sim. June 04, 2022 ih tuah mi leitlunhuap kiangkap kilhim ni ‘WED’ sunloihnak ah ca sungah a rak sim. “Kiangkap kilkhawinak hi Biaknak lam ah kan zuam ti langter daan pakhat lawng a si lo ruangah a thuk sawn mi kiangkap thlengawknak pakhat a tul,” tiah a rak sim. “Leilungpi satnak le nikhua thlengawknak, kiangkap siatsuahnak le sersiam mi phunphun sunnak pawl le tidai bal, a hleice in thli thiang lo nak pawl sunsak dingah mi tinkim hnenah WED in a forh thu” Cardinal in a rak sim.“Hi thinharnak pathum cu nitin ten kan tuar. Ziangah tile tui ni tiang mah le mah tel in minung tampi in an thinphannak an langter lo ruangah a si,” tiin a rak sim.
Kiangkap ih hngetkhohnak le kan nuntu khuasaknak tel in ziang tinkim humhim dingah kan mah in kiangkap naihniam daan hman a tul tiah a ruat. Pope Francis sirhsan in Cardinal in ‘leilungpi ih um dingah, nuntu khuasak daan, kiangkap pawl le kan mai pehtlaih nak, minung le minung ziangtin kan hmu aw ti mi pawl a thleng aw thei mi kiangkap kilhim daan thar pakhat a tul’ tiah a rak sim.
Cui hlei ah Cardinal in “kan mah in kiangkap kan kilhim hlan lo van sia pawl kan sunsak thei lo” tiin Cardinal in ralrinnak a rak pek. “Mi tampi leiram siatsuahnak pawl ruangah ei in ding nei lo in an um. In ding tidai a har ruangah mi tampi an car. Thli thiang lo ruangah mi tampi an dam lo” tiah a rak sim. Mipi ih tuarnak le kiangkap siatsuahnak pawl cu a tul mi pakhat lawng a si lo. Kan zumnak le Dungthluntu Paul ih zirhnak pawl vek a si le kan unau pawl thawn in tawn cih. Pa Pathian ih fa le pawl dinhmun in kan mah khat le khat kan thatnak hrang tuanvo kan nei tiah a rak sim bet.
Minung pawl kan zaten leitlun ah kan ruun innpi hlawm aw tu Pathian ih sersiam mi kan si tiah a rak sim. “Kiangkap kilhimnak cu kan mai biaknak lam zumnak ih hminsinnak pakhat a si lo ruangah kan mah in a thuk sawn mi kiangkap thlengawknak pakhat kan tul,” tiah mi tinkim hnenah a rak ism.
“Kan mai biaknak lam ih a thupi zet mi thenkhat a si ih kiangkap kilhimnak thawn Pathian ih a tleu zet mi mithmai pawl ah kan hmu thei ding ih minung pawl bawm dingah thilri pawl lo le tidaan pawl ah kan hmu thei ding” tiah a rak sim bet. Hi thuthang cu RVA thuthang ih kan ngah mi a si.
