Christian pawl remdaihnak le rualremsalnak hrang thlacamnak a ni (2) nak cu kum 2024, Sep-27, zaanlam nazi 4:30 ah Ayeyarwady Pathein ih St. Peter Catheral Biakinn piah an rak tuah.

          Pathein Catholic Archdioces ih Msgr Pius Win Than in hmuahnak caanserh ah thusimnak a neiih Christian pawl komkhawm ih thlacamnak thu cu a tawizawng in a run sim fiang. Pehbet in Msgr in “Tuicaan ah kawlrampi dinhmun in harsat nak kan tong rero a si. Asinan nikhat khat ah cun PathianBawipa in kan mah pawl kha remdai nak le rualremsalnak cu in pek ding ti cu keimah dinhmun in ka zum a si” tin a rak sim.

          Catholic Puithiam a si mi Fr. Jimmy in Mt 18:19-20 kha hrambun in kawlrampi remdaihnak ngah salnak, Christian pawl lungrualnak le rualrem salnak ngah sal ding hrang thlacam dingah a rak forhfial.

          Myanmar Baptish Church ih Rev.U Tun Hla in Myanmar ram ih a cang rero mi thu pawl simphah in harsat a tuar rero tu pawl hrang thlacam sak dingah a rak sawm. “Rampi dinhmun zoh in Pathian parih sual lo ding le zumnak ah tlu lo ding, a thupi bik cu ral buainak ih a cang rero mi harsat nak le boruak ruangih a cang rero mi harsat nak pawl a tong rero tu kan ulenau pawl hrang thla cam sak ringring ding, bawm ringring ding an tul” tin Rev. U Tun Hla in a rak sim.

          Hi pawlkom thlacamnak puai ih Catholic Christian pawlpi, Myanmar Baptish Church, Sgaw Karen Baptish Church, Pwo Karen Baptish Church, Englican Church le a dang Christian pawlpi hrekkhat khal an rak tel. Tuikum pawlkom thlacam nakin an ngah mi a hlu ting 15 luan khal tilian ruangih harsat a tuar tu pawl hrang an hlut ding thu Christian pawlkom Secretary Man Aung Myint Khaing in a rak sim.

By RVA Pwo Karen Service