Belgium ram Middleburg khua ih Bawipa thi le sa mangbangza lang nak
Belgium ram Middleburg khua ah milian si nak sang mi nunau pakhat cu a sal pawl kha tha zet in a zoh ih thlarau lam thangso nak an ngah thei nak dingin Catholic kawhhran thu kha a mah rori in a zirh hai. Vua tikcuu caan ih timtuah nak um ding in sualthlah ding le Bawipa thi le sa sang a fial hai. A fial mi kha thlun ding in an mah in an duh ko nan Jean ti mi in a fial vek in a thlun lo ningzak ding a phang ruangah sual thlah lo in Bawipa thi le sa sang a tum. Midang pawl thawn khuk an bil ih Bawipa thi le sa an zem nak in Father pa a rat ding kha an hngak. Father pa in Jean ih lei par ah Bawipa thi le sa a ret sak tik ah Sangreu kha taksa ah acang.
Curuangah dolh lo in a um. Jean cu cu mi a har sat nak kha thup ding in a zuam rero, cu mi taksa ih a cang mi Sangreu kha a keu tik ah thifor pawl kha a kaa ih sin sangreu an ei theu nak tlaang par ih an khuh nak puan var par ah a tla. Jean kaa ih Bawipa thi le sa pawl a hmu tu puithiam cu Jean kaa sungih sangreu kha a phorh sak cih ih upat tihzah nak thawn pulpit par ih dang ten an ret mi suikhuat(Chalice) khuat fate pakhat ah an ret.
Jean cu hi mi thil cang mi ruangah a mit a caw. Jean cu a sual nak a langsar tuk ruangah riahsia zet in Puithiam pai ke hram ah khukbil in mipi pawl hmai ah a tuah mi sual nak a sim theh hnu ah Father pa le mipi pawl hnen le Pathian hnen ngaidam a dil. A sual nak kha a thei aw ih riahsiat nak taktak thawn sual a thlah ruangah a mit kha khua a hmu thei sal. Cui sin thok in Jean cu a tha zet mi Pawlpi sung um pakhat in a thih tiang sangreu kha upat tihzah nak thawn a sang thlang asi.
Hih thil cang mi cu Cologne khua ih um Bishop a pathum nak Frederic hnen ah an than. Netaland ram cu German ram ih uk nak tang ah an um ih Middleburg khua khal cu cuvek in a um ruangah Bishop Frederic cu cui thi thawn a khat mi sangreu kha Cologne khua ah a keng ih Cathedral biakinn ah ret ding in thu a pek hai. Peng 700 a hlat nak ah Middleburg khua ihsin Cologne khua tiang lam hlat pi ah an ken ding mi sangreu thawn pehpar aw in tampi thinlung lak nak a um.
Cathedral biakinn ah an ret hnu ah cui Bawipa Jesu ih thisen le taksa a si ngaingai mi kha Kawhhranpi pawl in tlak zet in an biak thei mi ah a ra cang. Cologne khua ih um Agasian kiang ih Father Bayrens cu Belgium ram Louvian khua ah an thawn. Hih Father pa cu Bawi Jesu ih thi thawn a khat mi sangreu kha Cologne khua ih um Cathedral ah ret ding ah thin ding in thu a pek thei tu Bishop thawn nel awk tu a si ih cu mi thi thawn a khat mi Jesu ih thi le sa ih a fate te kha a tuanvo neih nak Cologne ah keng ngah ding in Bishop pai hnen ah a dil. Thi a khat mi sangreu ah Jean ih a keu nak a haa neh tla langsar zet in a um.
Curuangah Father Bayrens ih dil mi sangreu ih a hrek/phel kha ziangtin kan then ding timi harsat nak aum. Upat tih zah lo vek ih a cang pang ding le a phang ruang ah puithiam pawl thawn nithum sung ulh nak thawn thla an cam. Nithum a rei hnu ah minung tel lo in sangreu kha a hrek/ a lai ih a phel kha an hmu ih lungawi zet in Pathian that nak kha an thangthat/an biak.
Hih a hrek le thi a khat mi cabuai par ih a hrek khal Lovian khua ah an kuat ih a tang mi a hrek cu Cologne khua ih St.Albans biakinn ah an ret. Kum 1429 ah Pope a pali nak Eugene in sian nak a pek. Kum 1431 ah Indulgence pawl kha a tuah sak asi. Kum 1665 ah hih sangreu hrang ah dang ten pulpit pakhat an tuah ih Pope Alexandar pasarih nak in cumi ih huham thawn a khat mi sangreu kha pulpit thar ah thin thei ding in a thluasuah le Indulgence pawl kha a pek.