Kawhhran cu sersiam mi thil thenkhat, Pathian biakkhawmnak, Sacrament pawl tuahnak (Bawi Jesuh cu thinglamta ah a thi ih, a thoh sal nakin in ngah sak mi rundam nak thluasuah cu minung pawl hnen zem nak program) pawl ah hman nak in, cumi pawl cu Pathian ih thluasuah pawl minung pawl hnen a pek mi thilmankhung pawl an si. Pathian upatnak ah leitlun ramnung pawl phunphun ah an tong aw. Pathian thangthat nakah tidai, siti, meisa le tleunak pawl cu anmai an dinhmun ciar in san an nei. Thluasuah a pe tu Siangbawi ih kut cu Pathian ih duhdawtnak lang ternakah hman mi a siih, kan nun lam zin ah kan khualtlawnpi ih in um pi tu Jesuh Khrist cu kanmah thawn nai ten a um nak a lang ter.

              Baptism thluasuahah naute ih taksa par ih burh mi tidai cu nun thar le nunram thar a lang ter. Pathian thawn tonawk duh tikah leilungpi kaan in tlan a tul lo. Orthodox Khristian ah biak khawm nak pawl ah mawi nak cu an sunloih. Khristian zum tu pawl hrangah fapa Pathian cu leitlun ih then khat ah amai minung pi thawn a kom aw ter ih, lei par ih thleng awkdaan ih thlai cii khal a cing. Khristian kawhhran cu zuk thil ri pawl cu a hnong lo. Asinan minung ih taksa cu a thianghlim mi thlarau um nak biakinn asiih, leitlun rundam nak hrangah mahlemah minungih taksa a la tu Jesuh Khrist hnen a kom. Hi mi thu hi 2015 ih suak mi Pope Francis ih Laudato si’ Cauk sungta thawn pehparih kan run sim mi a si.