Mifel mifim pawl ih an lungput

          Siangpahrang pa pakhat cu a tupa thawn an vak. Lamzin ah kutdawh pa pakhat in siangpahrang a hmuh tikah a kun ih upat nak a pe. Siangpahrang khal in a kun cih ih upat nak a pek. Siangpahrang a kun cu kut dawh pa ai ih a niam sawn ruangah a tupa in a thei thiam lo ih a sut. “Ka pu… a nih cu kutdawh pakhat men a si si… ziangah saw na el cu hi tluk niam tiang ih upat nak na pek sal” ti a sut tikah siangpahranga pa in “Kut dawh pa pakhat in siangpahrang pakhat ai in ziaza tha a neih ding ka co hlang thei lo” tin a tupa kha a sim sal.

          In zirh duh mi cu midang ih an lo upat nak cu na thiam ih na hleicet ruangah a si lo. Mi dang ih an lo upat nak cu an mah an thiam ih an hleicet ruangah a si sawn. Mifim mithiam pawl cu mitinkim kha an upat. Ziaza tha ziaza mawi, upat nak ti mi cu si nak, theih nak a sang le niam ih hminsin nak a si.