Cathianghlim a let tu sayayi pakhat asimi Mithianghlim Jerome cu kum (340) ah Dalmatia khuapi ah a suak. A kum (18) ah Rome khuapi ah Khristmas tha pek nak a rak ngah ih mifim cathiam pawl ih kut tang ah ca lam ih thiam nak a rak zir. A thupibik in thusim lam ih a thiam zet mi Cicero kha a rak duh zet. Kum (374) ih nikhat ah Jerome cu zet nat in a na ih a nat ngaingai caanah Pathian thuthen nak cabuai hmai ah thleng vek in a thei aw. Amah cu zo na si tin an sut tikah Mithianghlim Jerome in Khristian pakhat ka si tiah a rak ti. Cutikah Pathian in nang mi bum hmang tiah a ti.

Nangmah cu Cicero ih dungthlun tu pakhat na si. Ziangahtile na thinlung cu na thupit ih na upat zet mi hnen ih a um ruangah a si” tiah a rak sim. Cui hnu ah a nunnak cu Pathian hnatuan dingah a rak ap. Syria nelrawn ah kum malte sung Yatih nun in Pathian thu ruat a theh hnuah Mithianghlim Jerome cu Siangbawi a ngah ih Rome khuapi ih Pope Damasus ih sacretary tuan dingah an ko. A tha lo mi ziaza pawl neh nak dingah Cathianghlim zir nak le Hebru tong zir nak lawngah a thinlung a rak ret. Kum (385) ah Bethlehem khuapi ih kua fate pakhat ah a rak cawl ih Cathianghlim kha Latin tong ih let dingin a tuan thok. Kum (40) tiang cawl lo in a rak tuan.

(The Vulgata or popular edition) timi cu Catholic Pawlpi ih pakhat lawng asimi tong let mi Bible pakhat tiin an zum ih an rak pom ih hleiah cohlan mi a si. Isaiah sungih hrih fiah nak (commentry) ih an ngan mi cu Cathianghlim ziang siar lo ih um cu Bawi Jesuh ziang siar lo ih um thawn a bang aw” tin a um. Kum (400) ah Rome khuapi cu barbarian pawl ih ral neh nak ruangah miharsa tampi Bethlehem tluk ih a hla zet mi khua pawl ah an tlan.

Mithianghlim Jerome cu a zir nak pawl a cawl lawk ih mi harsa pawl a rak bawm. A rak sim mi cu, “tu san kan nih pawl cu Cathianghlim ih zirh mi tongkom pawl a taktak ih sim ding” ti a si. Mithianghlim Jerome cu hnatuan zuam nak le sir awk nak thawn bang zet in sual hrem nak thawn kum (410) ah a nun nak a cem.