Mithianghlim Januarius (September 19)
Naples mi pawl kilkhawi tu Mithianghlim Januarius cu April 21, 272 ah a suak ih 305 ah a thi. Diocletion san Christian pawl an hrem lai ah Mithianghlim Januarius cu Benevento ah Bishop a rak tuan. A mai Deacon pahnih le Pawlpi sungtel pahnih pawl cu an zum nak ruangah thawng an tla ti a thei tikah an mah va tong dingah a rel cat. Van siat nak ah an rak kaih ve ih sahrang rawl ah an pek.
Asinan, lek nak zung ih um ramsa pawl in harsat nak an rak pek lo. Curuangah Puteoti ah an hruai ih a luu an tan. A thi cu tidai ah a thleng awk ih a thil ti thei nak huham ruangah Mithianghlim Januarius cu ni khat hnu nikhat a hmin a thang vivo. Naples khua ih um Biakinn sung ih an ret that mi a thi khal cu kumkhat voi thum mipi pawl an hmuh.
Siangbawipa in cui a thi khal a ro ret nak bawm te kha voi khat voihnih a linglet ih a ret ngah can khal ah Missa raithawi nak ih a hman mi Sabitti cu thisen ah a thleng awk. Cui Mithianghlim ih a thi aiin a dang mangbangza thil ti thei nak pawl khal le hnik sak nak pawl an rak tuah ih zo vek science mifim pawl khal in a thi tidai ih a can thu an rak el thei lo. “Zum tu hrangah ziang vek mangbangza thil ti thei nak hman a tul lo. Asinan, zumlo tu hrangah ziangvek mangbangza thil ti thei nak hman in a daih lo,” tin tong fim a um.
Mithianghlim Januarius cu amai kut tang ih thawng an thlak nak parah um thei loin a va zoh tikah amah khal an kai ih sahrang um nak hmun ah an ret nan sahrang pawl in ziang hman ti loin a rak luat nak cu an mangbangih thah a rak tuar nak in tui ni tiang a zumnak cu tui ni tiang kan run hmang ve a si. Curuangah hlanlai zum nak pacang tha pawl ruangah Pawlpi hi a hnget deuh deuh. Cuvekin kan zum nak ni khat hnu ni khat a fek sinsin thei nak dingin a mah hnen zangfah bom nak dil tlang uh si.
