(347-407) (September 13 )
Pathian thusimtu saya pawl kilkhawitu Mithianghlim John Chrysostom cu kum (347) ah Turkey ram, Antioch khua ah a rak suak. Pathian thu a sim mi a tha tuk ruangah Chrysostom (Sui Kaa) tiin hmin an rak pek.
Tongkam thiam zet tu Li Barnius hnenin thu sim daan ding pawl a rak zir hnu ah a thiam zet mi thuthentu si dingih tumtahnak neitu a si. Asinan, a kum (18) ah Antioch Bishop Melitius ruangah a thinlung a rak thleng ih Siangbawi pakhat cang dingah a rak rel cat. Kum (386) ah siangbawi cannak a rak ngah ih kum (398) ah Constantinople khuapi ah Bishop a rak tuan. A mah cu mifarah pawl sumpai lam in rak bawmtu khal a si. Cu lawng si loin tongkam in siseh, siangbawi pawl a thar ih remsalnak tuanvo a rak lak. Dik zet le fiang zet ih a thu simnak in hminthatnak a rak ngah ter. Kum (403) ah Siangpahrang Bawinu Eudoxia cu Jesibel tin an kawh ruangah thubuainak a suak ih Bethnia ram ah a cang mi linghnin cu Pathian ih hremnak tiin an ruat ih John kha zamrang ten an ko. Cu hnu kumkhat a rei hnu ah Biakinn hmai ah an phun mi Siangpahrang bawinu ih Ngun zuk lem a duh lo thu a rel ruangah dawi a rak tuar lala. Mithianghlim John Chrysostom cu a her zet mi kilt u pawl ih hremnak le ram ihsin dawinak ih harsatnak ruangah kum (407) ah a nunnak a cem. A mai ruak cu Constantinople khuapi ih um Dungthluntu pawl ih tlawng ah an rak phum.
Mithianghlim Chrysostom cu Bawipai thuphuannak, sim le relnak ah a ka a hmang ih a thusim mi mikip ih an theih nak in mipi in Bawipa theihnak ih a can bangin kan nih khal kan kaa in kan nun can ih thuthangtha a phuang tu kan si ve thei nak dingah thla in cam sak aw tiin thlaza cam tlang uh si.
