Mifarah pawl kilkhawi tu mithianghlim Lawrence cu Rome khuapi ih deacon pakhat a si. A mah cu pawlpi ih thilri pawl le sumpai lam kil tu a si. Kum (157) ah a pahnih nak Pope Sixtus (Pope Sixtus II) le mithianghlim Callixtus (St. Callixtus) ih thlan ah siangbawi (4) Pathian hrang ih an nun nak an liam hnu ah Lawrence in a thianghlim zet mi khuat pawl cu a zuar ih a ngah m paisa cu mifarah pawl a pek theh a si.

Rome khua ih siangpahrang mifarah pawl a pek mi thil pawl a thei tilah pawlpi ih sumpai pawl kha amah hnen ih pek theh dingah thu a pek. Nithu a rei hnu ah Lawrence cu bawm nak angah tu mifarah pawl thawn pawlpi ih bawm nak an ngah mi pawl thawn an tlung tlang. Siangpahrang hnen ah”Hi mi pawl cu pawlpi ih paisa a si” tin a sim tikah siangpahrang cu a thinheng tuk ih Lawrence that dingah thu a pek. Lawrence cu siangpahran lam ah hoi in lungawi ten a hni ih “Ka taksa in linglet thleng uh! Khatlam a hmin zo” tiah a ti.

A nun nak a cem hlan te ah Rome khuapi thleng awk nak ding hrqangah thla a rak cam sak bet a si. A mawi zet mi Barsilica ti mi Biakinn pi pakhat cu a thlen parah ram uk tu Constantine (Emperor Constantine) in a rak sak.