Mithianghlim Cajetan
(1480-1547) August-7
Mithianghlim Cajetan cu Theatine Clerks Regular rak din tu a si. Kum 1480 ah Italy ram, Vicenza khuapi ah a rak suak. Padua phunsangtlawng ih upadi buaih a rak ngah hnu ah Phunsangtlawng hoha nak pawlkom sungtel in khumhnih hrawng a rak tuan. Cu vek ih nun cu a diriam thei lo ih a mai kawh nak cu Rome khuapi ih ngah dingah a rak zuam.
Kum 1516 ah Rome ah Puithiam cannak a rak laak. Cui rei lo te ah Clerks Regular, Mithianghlim kaing a rak din. A pawlkom sungtel pawl cu pawlkom thawn um dingah thukamnak an tuah. Asinan, Pathian hnatuannak khal an tuan ve.
An mah pawl cu Pathian thu zirh ding, mifarah pawl bawm ding le Puithiam pawl rem sal dingah an ap aw. An pawlkom sungih a rak lut tu Theate Bishop sunlawihnak thawn an mah pawl cu Theatines tiah an ko.
Kum 1525 ah Rome khuapi ah kaih a tuar ih Cajetine le a rualpi pawl cu Vinice le Naple khuapi pawl ah an rak tlan. Cui khuapi pawl ah um nak inn thar pawl an sak sal. A mai Pathian hna a tuan nak ah cawl lo ih a tuan nak ruangah a bang tuk ih Mithianghlim Cajetan cu kum 1547 ah a nunnak a rak cem.
A sibawi in a mah cu a hak zet mi zaanthing par ah it lo in ih phah sah pi par ah it dingih ruah nak a pek tikah a nih in, “I rundamtu cu Thinglamtah par ah thah a rak tuar. Kei khal thinpheng par tal ah in thih ter aw,” tiah a rak ti.
