Kan hmuh thei mi leipar ramsa pawl le vate pawl an hlo thu thei ahcun, thin a nuam lo zet.
Kiangkap hna tuan hman hman ten tuan thei tu hrangah Baa pawl, ti pi sung ih um pawl, khuk rul pawl, pangang pawl, lei par ih a bok vak mi ramsa pawl le siar a theih lomi a fate zet mi hrik pawl, cutivek ramsa pawl ih um nak a tul.
A mal zet mi ramsa phun then khat pawl cu a tam sawn in kan hmu theilo nan, an mah pawl cu hmun ram pakhat ih kiangkap rual rem nak hrangah a thu pi mi hmun ihsin an tel ve asi.
Kan kiangkap cu tih nung nak lam ih a thlen ahcun minung pawl sinak in pakhat khat tuah sak nak tuah ding asi. Asinan a tui lai san ah mah te ih thil ti thei nak parih tuah nak cu rei lo te sung tuah nak lawng hmuh asi. Neh hnu ah a tha lo sinsin mi buai nak a suak ih, minung pawl ih tuah tuan nak a tul asi. Mah te ih a cang mi aiin minung ih tuah mi hmuh vivo asi tikah, cumi ruangih a cang ding mi harsat nak pawl cu pek awk ding asi.
Reilote tivek in buai nak pakhat fel ter dingah minung ih tuah nak ruangah thil um daan a tha lo deuh deuh nak hmuh asi ih, peh awk nak thawn a her daan khal hmuh a theih. Tah thim nak ih siim asile hrik thah nak sii pawl cu thil ciin nak hrangah a tha hnem nan, vate phun tampi le rual pi a simi lung phur tampi cu an cii a cem ter. Cui ramsa pawl an thih nak ruangah, an hna tuan nak cu a dang ti daan thawn aiawh ih hman tikah cui ti daan pawl cu buai nak thawn a kiang lo thu hmuh lala asi.
Minung ruangih a cang mi har sat nak hrangah san nak hawl dingah zuam zet ih a tuan tu science mi fim pawl, engineer pawl ih zuam zet ih an tuah nak pawl cu lung awi zet ih upat ding asi.
Leilung pi ih um daan bang ran ten zoh tik ah a tam sawn in minung pawl ih hnaihnok zet ih tuah nak cu sumdawn nak tuah tu pawl le lei ih hmang tu pawl ih that nak hrang lawng asiih, thiam nak thawn thanso nak pawl le thil tuah thei nak tha zang thanso nak pawl hmuh a theih nan, leilung pi ih thil ri pawl a cem ter ih, mawi nak pawl a cem ter.
Kan mah pawl ih zum nak ah aiawh ding a ngah lo ih, aiawh ding a ngah lo mi mah te ih mawi nak pawl cu kan mah rori ih tuah mi mawi nak in aiawh dingah kan zuam vek ah a cang.
