Leitlunhuap Pathian hnatuan hotu pawlkom, The International Union of Superiors General (UISG), pawl in Bawinu Maria vangcung hruai puai hlan August 14,2025 ni cu remdaihnak hrang rawl ul ih thlacam dingin in a sawm a si.
Ral cu pehzawmin an doawk rero ruangah leitlun minung pawl in ral ruangih harsatnak nasa zetin an tuar a si. Gaza in Sudan tiang, Ukrain in Myanmar tiang, Haiti in DRC, Syria tiang ral a buai rero a si. Curuangah leitlunhuap Pathian hnatuan hoto pawlkom (UISG) pawl in August 14 ni Bawi Nu Maria vancung hruai puai hlan cu remdaihnak hrang rawl ul ih thlacam dingin simthannak an nei.
“Bawi Nu Maria cu leitlun ih um minung pawl harsat tuarnak pawl hrang remdaihnak Nu a si vek in” UISG Sister pawl cun “ Kan aw suak in, pumkhat sinak thinlung, thlacamnak thawn hmalaknak kan nei a tul” ti in thu an suah a si.
An thu suah mi ah, thlacamnak le pumkhat sinak cu doawknak, raltlan pawl, le dik lonak, hrang biaknak lam pawl hmuahhmuah le tel duh tu pawl hmuahhmuh sawm an si thu, thlacamnak le pumkhat sinak cu a hrampi bik le caknak bik a si.
‘’Hmun tampi ah, harsat tuar, inn siatsuah, pawlkom hmuahhmuah thek darh, nunau le nauhak pawl cu harsat tuar tam bik” a si thu an thusuah ah an tar lang a si.
Cuih ni cu thenthum in hmalak ding a si.
- Hmunkhat ih thlacamnak le Pathian thu ruahnak
- Diknak le remawknak,
- Harsattuar pawl thawn tuar tlangnak
A tu hnak ih sia sawn caan a tlenlo nak dingin pakhat khat tuah dingin ka hngak thei lo. Remdaihnak kan tuah tengteng a tul. Asinan hmunkhat ten kan tuah a tul tin zangfah dil in kan forhfial ding.
Tharum suahnak in a khatmi leilungpi cu Pathian thuthangtha tleunak, bangrep awknak le unau duhdawtnak thinlung pawl nei ding in an thusuah mi ah tarlangin an forhfial a si.
Hi thuthang cu Vatican thuthang in kan don mi a si.
